Man Opens Door on Flight: కదులుతున్న విమానంలోని ఓ ప్రయాణికుడు హల్చల్ చేశాడు. మరికాపేట్లో విమానం టెర్మినల్ చేరుతుందనగా హఠాత్తుగా తలుపు ఓపెన్ చేశాడు. దీంతో అందులోని ప్రయాణికులు, సిబ్బంది ఆందోళనకు గురయ్యారు. ఆ ప్రయాణికుడిని సిబ్బంది అదుపు చేసేలోపు రెక్కల మీదకు నడుచుకుంటూ వెళ్లి అక్కడి నుంచి కిందకు దూకేశాడు. సిబ్బంది సమాచారంతో అక్కడికి చేరుకున్న అధికారులు అతడిని అదుపులోకి తీసుకున్నారు. ఈ ఘటన అమెరికాలోని షికాగో ఎయిర్పోర్ట్లో గురువారం (స్థానిక కాలమానం ప్రకారం) జరిగింది.
ఈ చర్యకు పాల్పడిన వ్యక్తిని కాలిఫోర్నియాకు చెందిన 57 ఏళ్ల ర్యాండీ ఫ్రాంక్ డెవిలాగా పోలీసులు గుర్తించారు. శాండియాగో నుంచి వస్తున్న ఈ విమానం ల్యాండ్ అవగానే కిందకు దూకేసిన ర్యాండీ.. ఫ్లైట్ను టెర్మినల్కు చెర్చేందుకు పైలట్లకు సూచనలు ఇచ్చే ప్రయత్నం చేసినట్లు అధికారులు వెల్లడించారు. బాధ్యతారాహితంగా వ్యవహరించినందుకుగాను ర్యాండీపై కేసు నమోదు చేసిన పోలీసులు రిమాండ్కు తరలించారు.
అమెరికాలో ఈ తరహా ఘటనలు తరచూ జరుగుతున్నాయి. ఫిబ్రవరిలో విమానంలోని ఓ ప్రయాణికుడు దారి మధ్యలో తలుపు తెరిచేందుకు ప్రయత్నించి హంగామా సృష్టించాడు. అదుపు చేసే క్రమంలో ఆ ఫ్లైట్ అటెండెంట్ అతడిపై దాడి చేయాల్సి వచ్చింది. ఇటువంటివే మరో రెండు ఘటనలపై కూడా ఏప్రిల్ అక్కడి అధికారులు సంబంధిత వ్యక్తులకు భారీ జరిమానా విధించారు. గతేడాదిలో ఈ తరహా ఘటనలపై దాదాపు 5,500పైగా ఫిర్యాదులు అధికారులు అందాయి.
ఇదీ చూడండి : పెళ్లి కోసం ప్రేయసి పక్కా ప్లాన్.. ప్రియుడి కండోమ్కు రంధ్రాలు.. చివరకు...
