Maryam to Pak PM Imran Khan: భారత్పై ఇమ్రాన్ ఖాన్ ప్రశంసలు కురిపించడం పట్ల తీవ్రంగా మండిపడ్డారు ఆ దేశ విపక్ష నేత మరియమ్ నవాజ్. ఇమ్రాన్ ఖాన్కు భారత్ అంతగా నచ్చితే అక్కడికే వెళ్లిపోవాలని అన్నారు. ఈ మేరకు ట్విట్టర్ వేదికగా శనివారం విమర్శలు చేశారు.
"అధికారం కోల్పోవడం వల్ల పిచ్చి పట్టుకున్న వ్యక్తికి (ఇమ్రాన్ ఖాన్).. తాను బహిష్కరణకు గురైంది సొంత పార్టీ చేతిలోనే అని ఎవరైనా చెప్పాలి. నీకు భారత్కు అంత నచ్చితే అక్కడికే వెళ్లు. మతిస్తిమితంలేని వ్యక్తి.. దేశాన్ని వినాశనం చేయకుండా ఆపాలి. ఇది జోక్ కాదు. ఆయనను ప్రధాని, మాజీ ప్రధానిగా పరిగణించకూడదు. స్వీయ రక్షణ కోసం దేశాన్ని తాకట్టు పెట్టిన సైకో ఆయన"
-మరియమ్ నవాజ్, పాక్ ప్రతిపక్ష నేత
అలాంటప్పుడు భారత్ను అనుసరించాలి: "ఇమ్రాన్ భారత్ను పొగుడుతున్నారు. అవిశ్వాస తీర్మానం విషయంలోనూ ఆయన భారత్ను అనుసరించాలి. భారత్లో వివిధ ప్రధానమంత్రులపై దాదాపు 27 అవిశ్వాస తీర్మానాలను ప్రవేశపెట్టారు. కానీ, ఇమ్రాన్లా ఎవ్వరూ రాజ్యాంగం, ప్రజాస్వామ్యం, విలువలను అపహాస్యం చేయలేదు. వాజ్పేయి ఒక్క ఓటు తేడాతో విశ్వాస పరీక్షలో ఓడారు. కానీ ఇమ్రాన్లా దేశాన్ని తాకట్టు పెట్టలేదు." అని మరియమ్ ట్వీట్ చేశారు.
"పర్యవసానాలను ఎదుర్కొనేందుకు భయపడిన ఓ వెర్రివాడి వల్ల.. దేశం స్తంభించిపోయింది. 22 కోట్ల జనాభా గల దేశంలో వారాలుగా ప్రభుత్వమే లేదు. ఇంత దారుణ రాజ్యంగ ఉల్లంఘన, సుప్రీంకోర్టు ఆదేశాల విస్మరణ కారణంగా అతడి కథ ఘోరంగా ముగుస్తుంది." అని మండిపడ్డారు మరియమ్.
రాత్రి 8గంటలకు ఓటింగ్!: విపక్షాలు ఇమ్రాన్ ఖాన్ ప్రభుత్వంపై అవిశ్వాస తీర్మానం ప్రవేశపెట్టిన దగ్గరి నుంచి పాక్‌లో రాజకీయ అనిశ్చితి కొనసాగుతోంది. సుప్రీం తీర్పుతో ఆ తీర్మానంపై ఓటింగ్ నిర్వహించేందుకు ఈ రోజు (శనివారం) ఉదయం జాతీయ అసెంబ్లీ సమావేశమైంది. అయితే అధికార, ప్రతిపక్ష పార్టీల మధ్య రగడతో సభవాయిదా పడింది. రాత్రి ఎనిమిది గంటలకు అవిశ్వాస తీర్మానంపై ఓటింగ్ జరిగే అవకాశం ఉందని తెలుస్తోంది.
ఇవీ చూడండి:
'న్యాయవ్యవస్థను గౌరవిస్తా.. కానీ'
ఇమ్రాన్ ఖాన్కు పాక్ సుప్రీంకోర్టు షాక్.. 'అవిశ్వాసం'పై ఓటింగ్కు ఆదేశం
