Toshakhana Case Imran Khan : ప్రభుత్వ కానుకలకు సంబంధించిన తోషఖానా కేసులో పాకిస్థాన్ తెహ్రీక్- ఏ-ఇన్సాఫ్ (పీటీఐ) అధినేత, మాజీ ప్రధాని ఇమ్రాన్ ఖాన్‌ను చుక్కెదురైంది. ఇస్లామాబాద్‌లోని జిల్లా కోర్టు.. ఇమ్రాన్ను ఈ కేసులో దోషిగా తేల్చి మూడు సంవత్సరాల జైలు శిక్ష విధించింది. దీనితో పాటు రూ.లక్ష జరిమానా విధిస్తూ అదనపు న్యాయమూర్తి హుమయూన్ దిలావర్ తీర్పు ఇచ్చారు. జరిమానా చెల్లించకపోతే మరో ఆరు నెలలు జైలు శిక్ష ఉంటుందని స్పష్టం చేశారు. అంతే కాకుండా ఐదేళ్ల పాటు ఎన్నికల్లో పోటీ చేయకుండా ఆయనపై అనర్హత వేటు వేసింది.
క్షణాల్లోనే అరెస్టు వారెంట్..
Pakistan Ex PM Arrested : మూడేళ్ల జైలు శిక్ష విధిస్తూ తీర్పు వెలువరించిన కోర్టు.. వెంటనే అరెస్టు వారెంట్ కూడా జారీ చేసింది. దీంతో క్షణాల వ్యవధిలోనే ఇమ్రాన్ ఖాన్‌ను పోలీసులు అరెస్టు చేశారు. లాహోర్‌లోని తన నివాసం నుంచి ఆయనను పోలీసులు అదుపులోకి తీసుకున్నారు.
'ఇలా జరుగుతుందని ముదే ఊహించా'
తన అరెస్టుపై ఇమ్రాన్ ఖాన్ స్పందించారు. తన అరెస్టు ఊహించిందేనని ఇమ్రాన్ పేర్కొన్నారు. ముందుగానే రికార్డు చేసి పెట్టుకున్న తన ప్రసంగాన్ని ఆయన ట్విట్టర్‌ వేదికగా పోస్ట్‌ చేశారు. 'ఇదంతా లండన్ ప్లాన్లో భాగమే. దాని అమలులో ఇది మరొక ముందడుగు. అయితే దీనిపై పార్టీ కార్యకర్తలు శాంతియుతంగా, దృఢంగా ఉండాలి. పాక్ ప్రజలు వచ్చే ఎన్నికల్లో సరైన నిర్ణయం తీసుకోవాలి' అని ఇమ్రాన్ ఖాన్ వీడియో చెప్పారు.
-
Chairman Imran Khan’s message:
— Imran Khan (@ImranKhanPTI) August 5, 2023 " class="align-text-top noRightClick twitterSection" data="
My arrest was expected & I recorded this message before my arrest.
It is one more step in fulfilling London Plan but I want my party workers to remain peaceful, steadfast and strong.
We bow before no one but Allah who is Al Haq. We believe in… pic.twitter.com/1kqg6HQVac
">Chairman Imran Khan’s message:
— Imran Khan (@ImranKhanPTI) August 5, 2023
My arrest was expected & I recorded this message before my arrest.
It is one more step in fulfilling London Plan but I want my party workers to remain peaceful, steadfast and strong.
We bow before no one but Allah who is Al Haq. We believe in… pic.twitter.com/1kqg6HQVacChairman Imran Khan’s message:
— Imran Khan (@ImranKhanPTI) August 5, 2023
My arrest was expected & I recorded this message before my arrest.
It is one more step in fulfilling London Plan but I want my party workers to remain peaceful, steadfast and strong.
We bow before no one but Allah who is Al Haq. We believe in… pic.twitter.com/1kqg6HQVac
హైకోర్టుకు ఇమ్రాన్ పార్టీ..
ఇమ్రాన్ ఖాన్‌ను అక్రమ కస్టడీలో ఉంచారని ఆరోపిస్తూ ఆయన పార్టీ 'పీటీఐ'.. లాహోర్‌ హైకోర్టును ఆశ్రయించింది. ఇమ్రాన్ను అపహరించారని పిటిషన్‌లో పేర్కొంది. వెంటనే విచారణ చేపట్టి.. ఆయన్ను హైకోర్టు ముందు హాజరుపరచాలంటూ పంజాబ్ పోలీసులను, ప్రభుత్వాన్ని ఆదేశించాలని అభ్యర్థించింది. 'దాదాపు 200 మంది పోలీసులు ఇమ్రాన్ ఖాన్ ఇంట్లోకి చొరబడి.. తుపాకీతో ఆయన్ను బెదిరించి అపహరించారు. కోర్టు తీర్పు కాపీని చూపించకుండానే కిడ్నాప్ చేశారు. ప్రభుత్వం ఇమ్రాన్ను అక్రమ కస్టడీలో ఉంచింది. ఈ నేపథ్యంలో భద్రత పరిస్థితి దృష్ట్యా ఇమ్రాన్ ఖాన్‌ను హైకోర్టు ముందు హాజరుపరచాలని ఆదేశించాలి' అని పీటీఐ నాయకుడు ఉమైర్‌ నియాజీ హైకోర్టును కోరారు. తోషఖానా కేసులో ఇస్లామాబాద్ జిల్లా కోర్టు ఇచ్చిన తీర్పును సవాల్‌ చేస్తామని పార్టీ వర్గాలు తెలిపాయి.
ఇమ్రాన్ ఖాన్‌పై అనర్హత వేటు వేయడం వల్ల ఈ ఏడాది జరగబోయే ఎన్నికల్లో ఆయన పోటీ చేసేందుకు వీలు లేకుండా పోయింది. ఆగస్టు 9న జాతీయ అసెంబ్లీని రద్దు చేయనున్నట్లు పాక్ ప్రధాని షెహబాజ్‌ షరీఫ్ ప్రకటించారు. ఆ తర్వాత 90 రోజుల్లో ఎన్నికలు జరగాల్సి ఉంటుంది. ఈ సమయంలో ఇమ్రాన్పై అనర్హత వేటు పడటం రాజకీయ వర్గాల్లో చర్చనీయాంశంగా మారింది. మరోవైపు, వచ్చే ఎన్నికల్లో మాజీ ప్రధాని నవాజ్‌ షరీఫ్ పోటీ చేస్తారని పీఎం షెహబాజ్‌ ఇప్పటికే ప్రకటించారు.
ఇదీ తోషఖానా కేసు..
Toshakhana Case Imran : గతేడాది ఏప్రిల్‌లో అవిశ్వాస తీర్మానం కారణంగా ఇమ్రాన్ ఖాన్ ప్రధాని పదవి నుంచి దిగిపోయారు. ఆ తర్వాత నుంచి ఆయన్ను కేసులు చుట్టుముట్టాయి. ఇమ్రాన్ ఖాన్ ప్రధానమంత్రిగా ఉన్నప్పుడు.. ఆయనకు విదేశీ పర్యటనల్లో పలు బహుమతులు వచ్చాయి. వాటిని ఇమ్రాన్ విక్రయించారనే ఆరోపణలు వచ్చాయి. ఈ నేపథ్యంలో ఇమ్రాన్పై కేసు నమోదైంది. ఇమ్రాన్ ప్రధానిగా ఉన్న సమయంలో దాదాపు 58 ఖరీదైన బహుమతులు అందుకున్నారు. వాస్తవానికి వీటిని తోషఖానాలో జమ చేయాలి. ఇక వాటిని సొంతం చేసుకోవాలనుకుంటే నిబంధనల ప్రకారం సగం ధర చెల్లించి తీసుకోవాలి.
Toshakhana Case Explained : కానీ, ఇందులో రూ.38 లక్షల రొలెక్స్‌ గడియారాన్ని ఇమ్రాన్.. కేవలం రూ.7.54 లక్షలు చెల్లించి సొంతం చేసుకొన్నారు. రూ.15 లక్షల విలువ చేసే మరో రొలెక్స్‌ గడియారానికి రూ.2.94 లక్షలు మాత్రమే చెల్లించి తీసుకున్నారు. ఇలా మూడోవంతు కంటే తక్కువగా కట్టి, పలు కానుకలను ఇంటికి చేర్చుకొన్న ఇమ్రాన్.. రూ.8 లక్షల కానుకలను ఒక్క రూపాయి కూడా ఖజానాకు జమ చేయకుండానే తీసుకొన్నారని.. ఆ తర్వాత వాటిని దుబాయిలో అమ్ముకొన్నారని మాజీ ప్రధాని షెహబాజ్‌ షరీఫ్ ఆరోపించారు.
'జైలులోనే ఇమ్రాన్ హత్యకు కుట్ర.. గుండెపోటు వచ్చేలా ఇంజెక్షన్లు ఇచ్చి చిత్రహింసలు!'
