ప్రపంచ రెండో అత్యంత వృద్ధురాలిగా భావిస్తోన్న 116 ఏళ్ల సన్యాసిని సిస్టర్ ఆండ్రే కరోనాను జయించారు. దక్షిణ ఫ్రెంచ్ నగరమైన టౌలాన్లోని ఓ సంరక్షణ కేంద్రంలో ఉంటున్న ఆమెకు.. జనవరిలో కరోనా సోకింది. మూడు వారాల చికిత్స అనంతరం.. ఆమెకు కొవిడ్ పరీక్షల్లో నెగెటివ్ వచ్చింది.
110 లేదా అంతకంటే ఎక్కువ వయసు కలిగిన వారి వివరాలను సేకరించే 'జెరొంటాలజీ రీసెర్చ్ గ్రూప్' ప్రకారం.. లుసైల్ రాండన్-సిస్టర్ ఆండ్రే.. అధిక వయస్కుల జాబితాలో రెండో స్థానంలో ఉన్నారు. ఈమె 1904 ఫిబ్రవరి 11న జన్మించినట్టు ఈ రీసెర్చ్ గ్రూప్ ధ్రువీకరించింది. ఈ నెల 11న(గురువారం) ఆండ్రే 117వ పడిలోకి అడుగుపెట్టనున్నారు.
కరోనా సోకినా...
దివ్యాంగురాలైన సిస్టర్ ఆండ్రే ప్రస్తుతం చక్రాల కుర్చీకి పరిమితమయ్యారు. కరోనా సోకినప్పుడు తాను ఎలాంటి ఆందోళనకు గురికాలేదని చెప్పారామె. అయితే.. మహమ్మారి బారినపడిన తర్వాత ఆమె తోటివారి గురించే ఎక్కువగా ఆలోచించేవారని సన్యాసి సంరక్షణ కేంద్ర కమ్యూనికేషన్స్ మేనేజర్ డేవిడ్ టావెల్ల తెలిపారు.
గత నెలలో ఆ సంరక్షణ కేంద్రంలో కరోనా పరీక్షలు నిర్వహించగా.. 88 మందిలో 81 మందికి పాజిటివ్గా తేలింది. వారిలో సిస్టర్ ఆండ్రే ఒకరు. మిగిలిన వారిలో 10 మంది కొవిడ్కు బలైనట్టు సమాచారం.
ఇదీ చదవండి: ఇక ప్రపంచ కురువృద్ధుడిగా బిట్రన్వాసి!
