'రష్యా జవాన్ల తల్లుల్లారా.. కీవ్​కు వచ్చి మీ బిడ్డల్ని విడిపించుకుని వెళ్లండి'

Ukraine Russia War: ఉక్రెయిన్​- రష్యా యుద్ధం తీవ్రరూపం దాల్చింది. క్రమక్రమంగా కీలక నగరాలను ఆక్రమిస్తోంది రష్యా సైన్యం. ఈ నేపథ్యంలో ఉక్రెయిన్​ బలగాలు గట్టిగానే బదులిస్తున్నాయి. బలమైన ప్రత్యర్థిపై పోరాడుతున్న ఉక్రెయిన్ సైనికులు, పౌరుల్లో ఉత్సాహం నింపేలా అక్కడి ప్రభుత్వ యంత్రాంగం విభిన్నంగా ప్రయత్నిస్తోంది. ఉక్రెయిన్​ సైన్యానికి చిక్కిన, చనిపోయిన రష్యా సైనికులను తీసుకెళ్లాలని రష్యాలో ఉన్న వారి తల్లుల్ని కోరింది. కీవ్​కు వచ్చి తీసుకెళ్లాలని ఫేస్​బుక్​లో పోస్టులు పెట్టింది.

Ukraine Russia War: రష్యాతో యుద్ధం నేపథ్యంలో.. దేశ ప్రజల్లో ఉక్రెయిన్​ స్ఫూర్తి నింపుతూనే ఉంది. తొలుత యువత సహా ఎవరైనా స్వచ్ఛందంగా యుద్ధంలో భాగస్వామ్యం కావాలని కోరిన అధ్యక్షుడు జెలెన్​స్కీ తన ప్రసంగాలతో ప్రేరణ కల్పిస్తున్నారు. యుద్ధాన్ని నివారించేందుకు అన్ని దారులు వెతుకుతున్నారు. అమెరికా సహా ఐరోపా దేశాల ఆంక్షలతో.. రష్యాను ఏకాకిని చేసే ప్రయత్నం చేసిన జెలెన్​స్కీ.. అంతర్జాతీయ న్యాయస్థానం తలుపు కూడా తట్టారు. ఐక్యరాజ్యసమితిలో రష్యా చర్యలను వ్యతిరేకించే దిశగా ఒత్తిడి పెంచుతున్నారు. ఇప్పుడు మరింత విభిన్నంగా ప్రయత్నిస్తున్నారు.

'అమ్మల్లారా.. మీ కుమారుల్ని తీసుకెళ్లండి'

యుద్ధానికి వచ్చి తమకు చిక్కిన/చనిపోయిన వేలాది రష్యా సైనికులను.. కీవ్​కు వచ్చి వెనక్కి తీసుకెళ్లాలని వారి తల్లుల్ని కోరింది ఉక్రెయిన్. ఈ మేరకు ఫేస్​బుక్​లో పోస్ట్​లు చేస్తోంది ఆ దేశ​ రక్షణ శాఖ. అందుకోసం వారికి పలు సూచనలు కూడా చేసింది. ఎలా రావాలో, వారి వివరాలు ఎలా తీసుకోవాలో కూడా అందులో పేర్కొంది.

ఉక్రెయిన్​ ర7ణ శాఖ ఫేస్​బుక్​ పోస్ట్​

''అమ్మా! మీ కుమారుడు(యుద్ధ ఖైదీ) ఇక్కడ మీ కోసం ఎదురుచూస్తున్నాడు. ఒకవేళ ఉక్రెయిన్​కు వస్తే.. మీరు వారిని తీసుకెళ్లొచ్చు.''

- ఫేస్​బుక్​ పోస్ట్​లో ఉక్రెయిన్​ రక్షణ శాఖ

Russian Casualties in Ukraine: యుద్ధం జరుగుతున్నప్పటినుంచి సుమారు 6 వేల మంది రష్యా సైనికుల్ని చంపినట్లు జెలెన్​స్కీ ప్రకటించారు. తమ సైనికుల మృతిపై తొలిసారి రష్యా ప్రకటన చేసింది. ఉక్రెయిన్‌పై దాడుల ఘటనలో 498 మంది సైనికులు మరణించినట్లు ఆ దేశ రక్షణశాఖ తెలిపింది. మరో 1,597 మంది గాయపడ్డారని పేర్కొంది.

మరోవైపు 2,870 మందికిపైగా ఉక్రెయిన్​ సైనికులు మరణించారని.. 3,700 మందికిపైగా గాయపడ్డారని కోనాషెంకోవ్​ తెలిపారు. 572 మంది ఇతరులను అదుపులోకి తీసుకున్నట్లు చెప్పారు. అయితే దీనిని ఉక్రెయిన్​ ఇంకా ధ్రువీకరించలేదు.

'యుద్ధట్యాంకులు ఎత్తుకెళ్లండి.. ఏం కాదు'

Russian Tanks Capture: రష్యా సైన్యం నుంచి స్వాధీనం చేసుకున్న/తీసుకెళ్లిన యుద్ధట్యాంకులు, ఇతర సామగ్రి, యుద్ధపరికరాలను వ్యక్తిగత ఆదాయంగా చూపాల్సిన అవసరం లేదని, పన్ను కట్టాల్సిన పనిలేదని ప్రజలకు భరోసా ఇచ్చారు ఉక్రెయిన్​ అధికారులు.

• Bit of a theme developing here.. they’re not even bothering to chase after them any more. pic.twitter.com/RVCv5H7DUZ

  — Johnny Mercer (@JohnnyMercerUK) March 2, 2022 " class="align-text-top noRightClick twitterSection" data="

  Bit of a theme developing here.. they’re not even bothering to chase after them any more. pic.twitter.com/RVCv5H7DUZ

  — Johnny Mercer (@JohnnyMercerUK) March 2, 2022

  ">

  Bit of a theme developing here.. they’re not even bothering to chase after them any more. pic.twitter.com/RVCv5H7DUZ

  — Johnny Mercer (@JohnnyMercerUK) March 2, 2022

రష్యాకు చెందిన ధ్వంసమైన యుద్ధట్యాంకు

''మీరు రష్యా యుద్ధ ట్యాంకును తీసుకెళ్లారా? ఆయుధాలు స్వాధీనం చేసుకున్నారా? దీనిని ఆస్తుల్లో ఎలా ప్రకటించాలని ఏం ఆందోళన చెందకండి. మీ మాతృభూమిని కాపాడుకోవడం కొనసాగించండి.''

- ఉక్రెయిన్ ప్రభుత్వ సంస్థ

రష్యా బలగాలు యుద్ధ ట్యాంకర్‌తో తమ ప్రాంతానికి చేరుకున్నట్లు గుర్తించిన రైతు.. గుట్టుచప్పుడు కాకుండా ఆ యుద్ధ ట్యాంకర్‌ను తన ట్రాక్టర్​ఖు అనుసంధానం చేసి అక్కడి నుంచి తరలించాడు. ఇది గమనించిన రష్యా సైనికుడు ఆ వాహనాల వెనుక పరిగెడుతున్న ఓ వీడియో ప్రస్తుతం నెట్టింట చక్కర్లు కొడుతోంది. ఈ నేపథ్యంలో ఇలాంటి ప్రకటనలు రావడం గమనార్హం.

ఇవీ చూడండి: రష్యా యుద్ధ ట్యాంకును ఎత్తుకెళ్లిన రైతు