ఆర్కిటిక్ మహాసముద్రంలో ఐదు కొత్త ద్వీపాలను కనుగొన్నారు రష్యన్ పరిశోధకులు . ఫ్రాంజ్ జోసెఫ్ ద్వీప సమూహంలోని మంచు కొండలు కరగడం వల్ల ఈ ద్వీపాలు ఏర్పడినట్లు వారు తెలిపారు. వీటికి ఇంకా పేరు పెట్టలేదన్నారు.
రష్యన్ జియోగ్రాఫికల్ సొసైటీ, రష్యన్ ఆర్కిటిక్ నేషనల్ పార్క్లతో కలిసి రష్యా నేవీ నార్నర్న్ ఫ్లీట్ అన్వేషణ చేపట్టింది. ఆగస్టు, సెప్టెంబర్ మాసాల్లో 44 రోజుల పాటు సాహస యాత్ర చేసి పరిశోధకులు ఈ ఐదు ద్వీపాలను కనుగొన్నారు. గత 30 ఏళ్లలో ఇది అతి పెద్ద ఆర్కిటిక్ యాత్రగా నిలిచింది.
అక్కడ జీవరాశి ఉంది..
జియోగ్రాఫికల్ సొసైటీ విడుదల చేసిన డ్రోన్ ఫుటేజి ఆధారంగా... ధ్రువపు ఎలుగుబంట్లు, వాల్రస్ సమూహాలు ఈ దీవుల్లో, పరిసర ప్రాంతాల్లో నివసిస్తున్నట్లు పరిశోధకులు తెలుసుకున్నారు.
వేడెక్కుతోంది.
వాతావరణ మార్పులపై ఇటీవల ఐక్యరాజ్యసమితి విడుదల చేసిన నివేదిక ప్రకారం.. ప్రపంచ సగటు కంటే వేగంగా ఆర్కిటిక్ వేడెక్కుతోంది. ఫలితంగా 2015-19 మధ్య కాలంలో రికార్డు స్థాయిలో ఆర్కిటిక్లోని మంచు పర్వతాలు కరిగిపోయాయి.
ఇదీ చూడండి: వచ్చే ఆర్థిక సంవత్సరంలో 7% వృద్ధి నమోదు!
