ఇటీవలే బంగాల్, ఒడిశా రాష్ట్రాల్లో అలజడి సృష్టించిన అంపన్ తుపాను వల్ల అనేక మంది ప్రాణాలు కోల్పోయారు. తుపాను సృష్టించిన విధ్వంసంపై ఫ్రాన్స్ అధ్యక్షుడు ఇమ్మాన్యుయెల్ మెక్రాన్ తాజాగా ప్రధాని మోదీకి సంఘీభావం తెలిపారు.
తుపాను కారణంగా నష్టపోయిన వారికి సాయం అందించేందుకు భారత్కు.. ఫ్రాన్స్ మద్దతుగా ఉంటుందని ప్రధానికి రాసిన లేఖలో మెక్రాన్ పేర్కొన్నారు. ఇరుదేశాల మధ్య పరస్పర సహకారాన్ని ఈ లేఖలో ఉద్ఘాటించారు ఫ్రాన్స్ అధ్యక్షుడు.
భారత్లో.. ఆర్థికంగా బలహీనమైన వారిని ఆదుకునేందుకు ప్రపంచ బ్యాంక్కు చేయూతగా నిలిచే విధంగా ఓ ప్రణాళికను రూపొందిస్తోంది ఫ్రాన్స్. ఇందులో భాగంగా 200 మిలియన్ యూరోల రాయితీ రూణాల్ని మంజూరు చేసేందుకు సన్నద్ధమవుతోంది..
కోట్ల నష్టం...
మే 20న తీరం దాటిన అంపన్ తుపాను.. బంగాల్, ఒడిశా రాష్ట్రాలపై తీవ్ర ప్రభావం చూపింది. బంగాల్ రాష్ట్రంలో ఏకంగా 98 మందిని బలితీసుకుంది. దాదాపు ఆరు కోట్ల మందిపై తుపాను ప్రభావం చూపిందని అధికారులు తెలిపారు.
