చైనాలో 14 రోజుల క్వారంటైన్ ముగించుకున్న ప్రపంచ ఆరోగ్య సంస్థ (డబ్ల్యూహెచ్ఓ) నిపుణుల బృందం.. క్షేత్రస్థాయిలో కరోనా మూలాలపై పరిశోధనను ప్రారంభించింది. వుహాన్లో తొలిసారి కరోనా రోగులను గుర్తించిన ఆస్పత్రుల్లో పర్యటిస్తోంది. ఇందులో భాగంగా జిన్యాన్టాన్ ఆస్పత్రిని శనివారం సందర్శించారు నిపుణులు. అంతకుముందు రోజు చైనా శాస్త్రవేత్తలతో చర్చలు జరపడం సహా హుబియ్ ఆస్పత్రిలో పర్యటించారు. వుహాన్లోని ఆస్పత్రులతో పాటు వైరస్ వ్యాప్తికి కారణమని భావిస్తున్న హునన్ సీ-ఫుడ్ మార్కెట్, వుహాన్ ఇన్స్టిట్యూట్ ఆఫ్ వైరాలజీ, స్థానిక ల్యాబ్లను సందర్శించనున్నారు.
ప్రాథమిక దర్యాప్తులో కొంత సమాచారం సేకరించామని, వైరస్ మూలాలను కనుగొనేందుకు మరింత లోతైన దర్యాప్తు చేపట్టాలని డబ్ల్యూహెచ్ఓ గురువారం చేసిన ట్వీట్లో పేర్కొంది.
ఇదీ చదవండి : పాక్‌ సుప్రీంకోర్టు తీర్పుపై శ్వేతసౌధం ఆగ్రహం
