చైనాలో మరోసారి కరోనా ఉగ్రరూపం దాల్చుతోంది. మయన్మార్ సరిహద్దులోని నైరుతీ చైనా నగరమైన రుయిలీలో 100కుపైగా కొవిడ్ కేసులు వెలుగుచూశాయి. ఈ నేపథ్యంలో రుయిలీలో మొత్తం 3లక్షల మందికి టీకా అందించేందుకు అధికారులు చర్యలు చేపట్టారు. శుక్రవారం ఐదురోజుల వ్యాక్సిన్ డ్రైవ్ ప్రారంభించారు.
ఈ నగరంలో ఆదివారం మరో 20 మందికి కొవిడ్ పాజిటివ్గా తేలినట్టు అక్కడి జాతీయ ఆరోగ్య కమిషన్ తెలిపింది. బాధితుల్లో ఐదుగురికి వైరస్ లక్షణాలేవీ కనిపించలేదని పేర్కొంది.
రుయిలీలో వైరస్ వ్యాప్తిని అరికట్టేందుకు ముందు జాగ్రత్త చర్యలు చేపట్టారు అధికారులు. నగర సరిహద్దులో భద్రతా చర్యల్ని మరింత కట్టుదిట్టం చేశారు. ప్రజలు ఇళ్లకే పరిమితం కావాలని సూచించారు.
ఇదీ చదవండి: కొవిడ్ లక్షణాలు మూడు రకాలు
