కొండచరియలు విరిగిపడి 22 మంది జవాన్లు మృతి

సెంట్రల్​ వియత్నాంలో భారీ వర్షాలు బీభత్సం సృష్టిస్తున్నాయి. ఆదివారం కొండచరియలు విరిగిపడ్డ ఘటనలో 22మంది సైనికాధికారులు మరణించారు. శిథిలాల కింద చిక్కుకున్న వారిని వెలికితీసేందుకు సహాయక సిబ్బంది తీవ్రంగా శ్రమిస్తున్నట్లు అధికార వర్గాలు తెలిపాయి.

సెంట్రల్​ వియత్నాం, క్వాంగ్​ బిన్హ్ ప్రాంతంలో భారీ వర్షాలకు కొండచరియలు విరిగి స్థానిక ఆర్మీ స్థావరంపై పడ్డాయి. ఈఘటనలో 8మంది ప్రాణాలతో బయటపడగా 22మంది సైనికాధికారులు ప్రాణాలు కోల్పోయారు. సహాయక సిబ్బంది ఇప్పటివరకు మూడు మృతదేహాలను వెలికితీశారు.

గతవారం తువా తీన్​-హూ, క్వాంగ్​ట్రీ ప్రాంతాల్లో కొండచరియలు విరిగిపడ్డాయి. ఆ ఘటనలో 11 మంది సైనికాధికారులు సహా మొత్తం 13 మంది మరణించారు.

గతకొన్ని రోజులుగా కురుస్తోన్న భారీ వర్షాలకు వియత్నాం అతలాకుతలమవుతోంది. రానున్న రోజుల్లో వానలు మరింత పెరుగుతాయని వాతావరణ శాఖ తెలిపింది.