పాకిస్థాన్కు ఆయుధాలు, మందుగుండు సామగ్రిని తీసుకెళ్తున్న ఓ ట్రక్కును తాలిబన్లు (Afghan Taliban) స్వాధీనం చేసుకున్నారు. పెద్దసంఖ్యలో ఆయుధాలతో వెళ్తున్న ఓ ట్రక్కును కాందహార్ ప్రావిన్స్‌లో పట్టుకున్నట్లు పాక్ స్థానిక మీడియా పేర్కొంది. అఫ్గాన్లో(Afghanistan news) అమెరికా సేనలు విడిచి వెళ్లిన ఆయుధాలే లక్ష్యంగా పాక్ సరిహద్దుల్లో స్మగ్లింగ్ జరుగుతున్నట్లు తెలుస్తోంది. ఈ నేపథ్యంలో తనిఖీలు చేపట్టిన తాలిబన్లు.. పాకిస్థాన్కు భారీగా ఆయుధాల తరలించే కుట్రను భగ్నం చేసింది.
హెల్మాండ్ ప్రావిన్స్ నుంచి వెళ్తున్న ట్రక్కును కాందహార్‌లోని డామన్ జిల్లాలో తాలిబన్లు (Taliban news) సీజ్ చేసినట్లు పాక్ మీడియా వెల్లడించింది. ఈ క్రమంలో భారీ సంఖ్యలో ఆయుధాలను స్వాధీనం చేసుకున్నారని.. అలాగే ట్రక్కు డ్రైవర్ను అదుపులోకి తీసుకుని గుర్తు తెలియని ప్రదేశానికి తరలించి విచారిస్తున్నట్లు పేర్కొంది. చమన్ ద్వారా పాక్లోని ఉగ్రవాదులకు ఈ ఆయుధాలను అక్రమంగా చేరవేస్తున్నట్లు తాలిబన్ కమాండర్(Taliban latest news) చెప్పారని ఓ వార్తా సంస్థ పేర్కొంది.
తాలిబన్లు.. అఫ్గాన్ను ఆక్రమించుకున్న తర్వాత వాహనాలు, ఆయుధాలు, మందుగుండు సామగ్రి, ఇతర ప్రభుత్వ ఆస్తులను స్వాధీనం చేసుకున్నారు. ఈ క్రమంలోనే 85 బిలియన్ డాలర్ల విలువైన ఆయుధాలను అమెరికా సేనలు విడిచి వెళ్లినట్లు గతనెలలో డొనాల్డ్ ట్రంప్ జూనియర్ తెలిపారు.
ఇదీ చూడండి: Afghanistan women: 'మహిళలను మనుషుల్లానే చూడట్లేదు!'
