చైనాలో వన్యప్రాణులపై చేస్తోన్న పరిశోధనలో అంతరించిపోతోన్న అరుదైన మంచు చిరుతలు కెమెరాకు చిక్కాయి. వీటిపై 2017లో 240 మందితో పరిశోధన ప్రారంభించారు. కిలియన్ షాన్ జాతీయ వన్యప్రాణి పార్కులోని 4000 చదరపు కి.మీ పరిధిలో 735 కెమెరాలను ఏర్పాటు చేశారు.
ఈ కెమెరాల్లో 323 సార్లు మంచు చిరుతలు కనిపించాయి. వాటితో పాటు వివిధ రకాల అరుదైన జంతువులు, 60 రకాల పక్షి జాతులు కెమెరాకు చిక్కాయి.
"ఈ పరిశోధనకు ఉపయోగించిన కెమెరాలు, పరికరాలు అత్యాధునికమైనవి. ముఖ్యంగా ఇన్ఫ్రా రెడ్ కెమెరాలు ఎక్కువగా వినియోగించాం. జంతువుల సంఖ్య, జీవ మనుగడపై వివరాల కోసం డీఎన్ఏ శాంపుల్స్ సేకరించాం." - షి కున్, బీజింగ్ అటవీశాస్త్ర విశ్వవిద్యాలయ డైరక్టర్
ఇక్కడి వన్యప్రాణి సంరక్షకులు జంతుజాతులను కాపాడేందుకు శ్రమిస్తున్నారు. వేటగాళ్ల బారిన పడి అరుదైన జంతువులు అంతరించిపోకుండా ప్రజలకు అవగాహన కల్పిస్తున్నారు.
