భారత్లో కరోనా కేసులు భారీగా నమోదవుతున్న క్రమంలో కీలక నిర్ణయం తీసుకుంది న్యూజిలాండ్ ప్రభుత్వం. భారత ప్రయాణికుల రాకపోకలను తాత్కాలికంగా నిలిపివేసింది. ఈనెల 11 నుంచి 28 వరకు ఈ సస్పెన్షన్ కొనసాగనుందని తెలిపింది. ఇటీవల ఇండియా నుంచి వచ్చిన 23 మందిలో 17 మందికి కొవిడ్ పాజిటివ్గా నిర్ధరణ అయిన క్రమంలో ఆంక్షలు విధిస్తున్నట్లు ఆ దేశ ప్రధానమంత్రి జెసిండా ఆర్నెర్డ్ తెలిపారు.
కొవిడ్ హాట్స్పాట్లుగా ఉన్న దేశాల పరిస్థితులను తమ ప్రభుత్వం నిశితంగా పరిశీలిస్తోందన్నారు ప్రధాని ఆర్నెర్డ్. వైరస్ కట్టడికి ప్రయాణాలను నిలిపివేయటం తాత్కాలిక చర్యే అని పేర్కొన్నారు. కాగా న్యూజిలాండ్లో వైరస్ బాధితుల సంఖ్య 2,531కి చేరింది.
భారత్లో రోజువారి కేసుల సంఖ్య భారీగా పెరుగుతోంది. బుధవారం ఒక్కరోజే.. 1,15,736 మందికి కొవిడ్ పాజిటివ్గా నిర్ధరణ అయింది.
ఇదీ చూడండి:ఆస్ట్రాజెనెకా వ్యాక్సిన్తో రక్తం గడ్డ కట్టొచ్చు!
