భారత సరిహద్దులో ఉద్రిక్తతను పెంచుతూ ఇటీవలే ఓ కొత్త మ్యాప్ను తీసుకొచ్చింది నేపాల్. ఇప్పుడు ఈ మ్యాప్నకు ఆమోద ముద్ర వేసే విషయంలో మాత్రం తర్జనభర్జన పడుతోంది. మ్యాప్ కోసం రాజ్యాంగాన్ని సవరించేందుకు బుధవారం మధ్యాహ్నం 2గంటలకు నేపాల్ ప్రతినిధుల సభ భేటీ కావాల్సి ఉంది. అయితే చివరి నిమిషంలో ప్రతినిధుల సమావేశం వాయిదా పడంది.
- ఇదీ చూడండి:- చైనా అండతో నేపాల్ కయ్యం- భారత సైన్యంతో ఢీ!
ఏందుకీ ఉద్రిక్తత?
ఈ నెల 8న మానససరోవర్‌ యాత్ర కోసం ఉత్తరాఖండ్‌ నుంచి లిపులేఖ్ పాస్‌ వరకు భారత్ నిర్మించిన రహదారిని రక్షణ మంత్రి రాజ్‌నాథ్‌ సింగ్‌ ప్రారంభించారు. అది జరిగిన కొద్ది రోజులకు(మే 18).. లిపులేఖ్, కాలపానీ సహా లింపియాధురా ప్రాంతాలను తమ పరిధిలో ఉన్నట్లు చూపించే కొత్త మ్యాప్కు ఆ దేశ కేబినెట్ ఆమోద ముద్ర వేసింది. ఈ మేరకు రాజ్యాంగ సవరణ చేయడానికి ఈ నెల 22న పార్లమెంట్లో ప్రతిపాదన చేసింది.
ప్రతిపాదన గట్టెక్కుతుందా?
ఈ రాజ్యాంగ సవరణకు సభలోని మూడింట రెండో వంతు మెజారిటీ అవసరం. ఈ నేపథ్యంలో తమ ప్రతిపాదనను ఏకగ్రీవంగా ఆమోదించాలని కోరుతూ మంగళవారం అఖిలపక్ష సమావేశాన్ని నిర్వహంచారు నేపాల్ ప్రధాని కేపీ ఓలీ.
జాతీయ అసెంబ్లీలో నేపాల్ కమ్యునిస్ట్ పార్టీకి మూడింట రెండోవంతు మెజారిటీ ఉంది. కానీ దిగువ సభలో తమ ప్రతిపాదన గట్టెక్కించుకోవడానికి దాదాపు 10సీట్లు వెనకపడి ఉంది ఓలీ ప్రభుత్వం.
అయితే.. ఈ ప్రతిపాదనకు మద్దతు తెలపాలంటే.. ఎన్నోఏళ్లుగా పడి ఉన్న తమ డిమాండ్లను పరిష్కరించాలని ప్రతిపక్ష పార్టీలు ఓలీ ప్రభుత్వంపై ఒత్తిడి తెస్తున్నాయి. కొత్త మ్యాప్నకు నేపాల్ కాంగ్రెస్ మద్దతునిచ్చినప్పటికీ... రాజ్యంగ సవరణకు మాత్రం అంగీకరించడం లేదు. అన్ని పార్టీలు ముందు చర్చించుకుని ఓ నిర్ణయానికి రావాలని సూచించింది.
ఇదీ చూడండి:- భారత్కు వ్యతిరేకంగా నేపాల్లో చైనా చిచ్చు!
