నేపాల్లో తొలిసారిగా బ్రాడ్గేజ్ సేవలు ప్రారంభమైన సందర్భంగా ఆ దేశానికి రెండు అత్యాధునిక రైళ్లను అప్పగించనుంది భారత్. బిహార్లోని జయ్నగర్ - నేపాల్లోని కుర్తా(ధనుశా జిల్లా)ల మధ్య నడిచే ఈ రైళ్ల సేవలు.. డిసెంబర్లో ప్రారంభమవుతాయని అధికారులు తెలిపారు.
జయ్నగర్-కుర్తా బ్రాడ్గేజ్ లైన్ కోసం.. రెండు ఆధునిక డీజిల్ ఎలక్ట్రిక్ మల్టిపుల్ యూనిట్(డీఎంయూసీ) రైళ్లను నేపాల్కు పంపింది కొంకణ్ రైల్వే. అధునాతన సౌకర్యాలతో కూడిన ఈ రైళ్లు.. ఏసీ ప్రొపల్షన్ టెక్నాలజీని కలిగి ఉంటాయి. వీటిని చెన్నైలోని ఇంటిగ్రేటెడ్ కోచ్ ఫ్యాక్టరీ రూపొందించింది.
ఇరుదేశాల మధ్య 35 కిలోమీటర్లు ప్రయాణించే ఈ రైళ్ల కార్యకలాపాల ద్వారా ఇరు దేశాల పౌరులకు ప్రయోజనం చేకూరుతుందని భారత రాయబార కార్యాలయం తెలిపింది.
ఇదీ చదవండి: దేశంలోనే తొలి కోస్ట్ గార్డ్ అకాడమీ ఏర్పాటు చేసేది ఎక్కడంటే?
