నికోల్ లియూంగ్.. ఎనిమిదేళ్ల చిన్నారి. హాంకాంగ్లోని అందరు పిల్లల్లాగే కరోనా లాక్డౌన్(covid lockdown) సమయంలో ఇంటికే పరిమితమైంది. ఉపాధ్యాయులు ఆన్లైన్లో క్లాసులు(online classes) చెప్తే ఫోన్లో చూస్తూ వినేది. ఇదంతా సాధారణంగానే కనిపిస్తున్నా.. చిన్నారుల జీవనశైలిలో వచ్చిన ఈ మార్పులు సమస్యలకు దారితీస్తున్నాయి. కరోనా ప్రారంభమైనప్పటి నుంచి చిన్నారుల్లో హ్రస్వదృష్టి(myopia in children) పెరిగిపోయింది.
హాంకాంగ్లోని చైనీస్ యూనివర్సిటీ(Chinese University of Hong Kong) పరిశోధకులు 709 మంది పిల్లలపై అధ్యయనం చేసి ఈ నిర్ధరణకు వచ్చారు. 2015లో వెయ్యి మంది పిల్లలపై చేసిన ఇదే తరహా అధ్యయనంతో తాజా ఫలితాలను పోల్చి చూశారు. బ్రిటిష్ జర్నల్ ఆఫ్ ఆఫ్తాల్మాలజీలో ప్రచురితమైన ఈ అధ్యయనం ప్రకారం.. కొవిడ్ ఆంక్షలు(covid restrictions) అమలులోకి వచ్చిన తర్వాత చిన్నారుల్లో హ్రస్వదృష్టి సమస్య(myopia problem) రెండున్నర రెట్లు పెరిగింది.
లాక్డౌన్(covid lockcown) సమయంలో నికోల్కు.. వాళ్ల అమ్మ టీవీ చూసే అవకాశం ఇవ్వలేదు. ఫోన్లనూ పెద్దగా అప్పగించలేదు. కానీ.. ఆన్లైన్ క్లాసులు(online classes) ప్రారంభమైన నేపథ్యంలో.. ఫోన్లు ఇవ్వక తప్పలేదు.
"కరోనా సమయంలో హాంకాంగ్లో పిల్లలంతా ఆన్లైన్ క్లాసులకు మారారు. తొలిసారి నికోల్ను చెకప్కు తీసుకెళ్లినప్పుడు ఆమె డయోప్టర్స్ 4.0గా నమోదైంది. కళ్లద్దాలు తీసుకున్నాం. ఇంకా ఎలాంటి చికిత్స తీసుకోలేదు. ఏడాదిన్నర తర్వాత చెకప్కు వెళ్తే.. చిన్నారి హ్రస్వదృష్టి 1.5 డయోప్టర్స్ మేర పెరిగింది. మాకు చాలా భయమేసింది."
-జెస్సికా చు, నికోల్ అమ్మ
ఇతర దేశాల్లోని పిల్లల సంగతి...?
కొవిడ్ సమయంలో హ్రస్వదృష్టి కేసుల(myopia in childhood) సంఖ్య గణనీయంగా పెరిగిందని పరిశోధనకు నేతృత్వం వహించిన అసోసియేట్ ప్రొఫెసర్ డాక్టర్ జేసన్ యామ్ పేర్కొన్నారు. జీవనశైలిలోనూ అనేక మార్పులు గమనించినట్లు చెప్పారు. బయటకు వెళ్లడం బాగా తగ్గిందని, ఎలక్ట్రానిక్ పరికరాల స్క్రీన్ను చూడటం పెరిగిందని వివరించారు. ఇవన్నీ హ్రస్వదృష్టి పెరిగేందుకు కారణమయ్యాయని చెప్పారు. అయితే, ఇతర దేశాల్లోని చిన్నారులకూ ఇదే అధ్యయనం వర్తిస్తుందని చెప్పలేమని అన్నారు.
"ఈ ఫలితాలను అందరికీ అన్వయించలేం. అయితే, ఏ నగరాల్లోని చిన్నారుల్లో అయితే ఇలాంటి జీవనశైలి మార్పులు కనిపించాయో.. వారికి ఈ సమస్య వచ్చే అవకాశం ఉంది. బయటకు వెళ్లడం చాలా ముఖ్యం. ఎందుకంటే ఆ వెలుతురు హ్రస్వదృష్టిని నియంత్రించి కంటిని కాపాడుతుంది. అందుకే పిల్లలను చీకటిగా ఉన్నప్పుడు కానీ, తక్కువ లైటింగ్లో కానీ చదువుకోవద్దని చెప్తాం."
-డాక్టర్. జేసన్ యామ్, పరిశోధకుడు
ఏం చేయాలంటే?
ఈ అధ్యయనం ప్రకారం కరోనాకు ముందు సగటు స్క్రీన్ టైమ్ మూడున్నర గంటలు ఉంటే.. లాక్డౌన్ సమయంలో 8 గంటలకు పెరిగింది. ఫలితంగా హాంకాంగ్లోని 40 శాతం మంది పిల్లలకు దృష్టి సమస్య తలెత్తిందని ప్రొఫెసర్ జేసన్ తెలిపారు. ఈ నేపథ్యంలో పిల్లలను బయటి వాతావరణంలో గడిపేలా చేయాలని(myopia in child treatment) తల్లిదండ్రులకు సూచిస్తున్నారు. చిన్నారులు సగటున వారానికి 14 గంటలు బయటి వాతావరణంలో సమయం వెచ్చించాలని చెబుతున్నారు. చదువుకుంటున్నప్పుడు ప్రతి 30 నిమిషాలకొకసారి దూరంగా ఉన్న వస్తువులను చూడాలని సూచిస్తున్నారు.
ఇదీ చదవండి: మనసున్న మహారాజు.. చిన్నారుల కోసం వినూత్న గెటప్లు
