లక్షకు చేరువలో కరోనా కేసులు- 3 వేలకు పైగా మృతులు
కరోనా (కొవిడ్-19) వ్యాప్తితో ప్రపంచవ్యాప్తంగా ఇప్పటివరకు 97,510 కేసులు నమోదయ్యాయి. 3,345 మంది వైరస్ బారిన పడి మృత్యువాత పడ్డారు. సుమారు 85 దేశాలకు ఈ మహమ్మారి విస్తరించింది.
బుధవారం సాయంత్రం నుంచి 2,699 కొత్త కేసులను గుర్తించగా.. మరో 100 మరణాలు సంభవించాయి. చైనాలో 80 వేల మందికి పైగా ఈ వైరస్ బారిన పడ్డారు. 3,012 మంది బలయ్యారు. ఇక చైనా మినహా ఇతర దేశాల్లో ఇప్పటి వరకు 17,101 కరోనా కేసులు నమోదు కాగా.. 333 మంది మరణించారు.
దక్షిణ కొరియా, ఇటలీ, ఇరాన్, ఫ్రాన్స్ దేశాల్లో కరోనా ప్రభావం తీవ్రంగా కనిపిస్తోంది.
అమెరికాలో 11కు చేరిన మృతులు
అమెరికాలో ఇప్పటి వరకు 11 మంది కరోనా బారిన పడి మరణించగా.. 29 కేసులు నమోదయ్యాయి. వైరస్ను అరికట్టేందుకు ప్రభుత్వం తీవ్రంగా శ్రమిస్తోందని అధ్యక్షుడు డొనాల్డ్ ట్రంప్ పేర్కొన్నారు.
ఆయా దేశాల్లో కేసులు, మరణాల సంఖ్య ఇలా
| దేశం | కేసులు | మృతులు |
| దక్షిణ కొరియా | 6,088 | 35 |
| ఇటలీ | 3,858 | 148 |
| ఇరాన్ | 3,513 (591 కొత్త కేసులు) | 107 |
| ఫ్రాన్స్ | 377 (120 కొత్త కేసులు) | 6 |
| ఐరోపా | 5,533 | 158 |
| ఒసీనియా | 58 | 2 |
| ఆఫ్రికా | 29 | |
| లాటిన్ అమెరికా | 26 | |
| కరేబియన్ | 26 | |
| సౌత్ ఆఫ్రికా | 1 | |
| స్లొవేనియా | 1 | |
| బోస్నియా | 1 | |
| హంగేరి | 1 |
