ప్రపంచవ్యాప్తంగా కోటి 25 లక్షలకు చేరువలో కేసులు

ప్రపంచవ్యాప్తంగా కరోనా విలయతాండవం కొనసాగుతోంది. మొత్తం కేసుల సంఖ్య కోటి 25 లక్షలకు చేరువవుతోంది. మరణాల సంఖ్య 5లక్షల 58వేలు దాటింది. పాకిస్థాన్​లో వైరస్​ ప్రభావం అంతకంతకూ తీవ్రమవుతోంది. ఆ దేశంలో కేసుల సంఖ్య 2 లక్షల 43వేలు దాటింది. 5వేల మందికి పైగా ప్రాణాలు కోల్పోయారు.

ప్రపంచ దేశాల్లో కరోనా మహమ్మారి విజృంభణ అంతకంతకూ తీవ్రమవుతోంది. మొత్తం బాధితుల సంఖ్య కోటి 24 లక్షల 33 వేలు దాటింది. 5 లక్షల 58వేల 383 మంది వైరస్​ కారణంగా ప్రాణాలు కోల్పోయారు. ఇప్పటివరకు 72 లక్షల 52 వేల 605 మంది కోలుకున్నారు.

పాకిస్థాన్​లో 5వేలు దాటిన మరణాలు..

పాకిస్థాన్​లో కరోనా కేసుల సంఖ్య విపరీతంగా పెరుగుతోంది. కొత్తగా నమోదైన 2,751 కేసులతో కలిపి మొత్తం కేసుల సంఖ్య 2లక్షల 43 వేల 599కి చేరింది. మరణాల సంఖ్య 5వేల 58కి పెరిగింది.

నేపాల్​లో 118 కేసులు..

నేపాల్​లో 24 గంటల్లో 118 కొత్త కేసులు నమోదయ్యాయి. వీటితో కలిపి మొత్తం కేసుల సంఖ్య 16వేల 649కి చేరింది. యాక్టివ్​ కేసుల సంఖ్య 8వేల 603గా ఉంది.

ప్రపంచవ్యాప్తంగా కరోనా కేసులు అత్యధికంగా ఉన్న దేశాలు..

	దేశం	కేసులు	మరణాలు
1	అమెరికా	3,224,334	135,885
2	బ్రెజిల్​	1,762,263	69,316
3	భారత్​	7,93,802	21604
4	రష్యా	713,936	11,017
5	పెరు	316,448	11,314
6	చిలీ	306,216	6,682
7	స్పెయిన్​	300,136	28,401
8	బ్రిటన్​	288,133	44,650
9	మెక్సికో	282,283	33,526
10	ఇరాన్​	252,720	12,447