పాకిస్థాన్లోని పురాతన శివాలయంలో పూజలు నిర్వహించకుండా తమను అడ్డుకున్నారని ఖైబర్ పఖ్తుంఖ్వా రాష్ట్రానికి చెందిన ఇద్దరు హిందూ భక్తులు ఫిర్యాదు చేశారు. ఆలయ భద్రతా సిబ్బందిపై చర్యలు తీసుకోవాలని అధికారులను కోరారు. మతపరమైన ఆచారాలను అడ్డుకోవడం చట్టవిరుద్ధమని ఇద్దరు హిందూ భక్తులు షామ్ లాల్, సాజిన్ లాల్ పేర్కొన్నారు.
పాకిస్థాన్ అధికార పార్టీ అయిన తెహ్రీక్-ఏ-ఇన్సాఫ్కి చెందిన చట్టసభ్యులు గుర్దీప్ సింగ్, రవి కుమార్ సహా.. ఓ పోలీస్ అధికారిపై షామ్ లాల్, సాజిన్ లాల్ ఫిర్యాదు చేశారు. ఈ ఆలయంలో మతపరమైన కార్యక్రమాలను సక్రమంగా నిర్వహించుకునేలా చూడాలని డీఐజీకి విజ్ఞప్తి చేశారు.
పాక్లో హిందూ జనాభా..
పాకిస్థాన్లోని మైనారిటీల్లో హిందువులే అధికం. అధికారిక లెక్కల ప్రకారం.. అక్కడ 75 లక్షల మంది హిందువులు నివసిస్తున్నారు. వాస్తవానికి ఈ సంఖ్య 90లక్షల వరకు ఉండొచ్చని అంచనా. సింధ్ రాష్ట్రంలో ఎక్కువగా స్థిరపడ్డ పాక్లోని హిందూ జనాభా.. స్థానిక ముస్లింలతో మంచి సంబంధాలు కలిగి ఉన్నారు. వారి సంస్కృతి, సంప్రదాయాల్లో పాలుపంచుకుంటారు. అయితే ఉగ్రవాదులు తమను లక్ష్యంగా చేసుకుంటున్నారని పాక్ హిందువులు ఆందోళన వ్యక్తం చేస్తున్నారు.
ఇదీ చదవండి: పాక్ ఆధారిత ఉగ్రసంస్థలతో భారత్కు ముప్పు: అమెరికా
