'షుక్రియా భారత్​'.. చిన్నారి ముద్దుగొల్పే మాటలు

టీకా పంపిణీ చేస్తున్నందుకు అంతర్జాతీయంగా భారత్​పై ప్రశంసల జల్లు కురుస్తోంది. తమ దేశానికి టీకా సరఫరా చేసినందకుగానూ ముద్దుముద్దు మాటలతో.. భూటాన్​కు చెందిన ఓ చిన్నారి భారత్​కు కృతజ్ఞతలు తెలిపింది.

కొవిడ్-19 టీకాలను ప్రపంచ దేశాలకు ఎగుమతి చేస్తూ..భారత్ తన ఉదారతను చాటుకుంటోంది. ఈ క్లిష్ట సమయంలో మనదేశం చూపుతున్న చొరవకు అంతర్జాతీయంగా ప్రశంసలు దక్కుతున్నాయి. ఈ వరసలో భూటాన్‌కు చెందిన ఓ చిన్నారి కూడా చేరింది. కరోనా టీకాలు తమ దేశానికి పంపినందుకు కృతజ్ఞతగా ముద్దుముద్దు మాటలతో భారత్‌కు 'షుక్రియా' చెప్పింది. ఆ దేశంలో భారత్ రాయబారిగా ఉన్న రుచిరా కాంబోజ్ షేర్ చేసిన వీడియో ద్వారా విషయం వెలుగులోకి వచ్చింది.

• Khenrab! Your ‘thank you’ touches our hearts! #VaccineMaitri #indiabhutanfriensdhip. pic.twitter.com/2JOnCHVQ5a

  — Ruchira Kamboj (@RuchiraKamboj) March 26, 2021 " class="align-text-top noRightClick twitterSection" data="

  Khenrab! Your ‘thank you’ touches our hearts! #VaccineMaitri #indiabhutanfriensdhip. pic.twitter.com/2JOnCHVQ5a

  — Ruchira Kamboj (@RuchiraKamboj) March 26, 2021

  ">

  Khenrab! Your ‘thank you’ touches our hearts! #VaccineMaitri #indiabhutanfriensdhip. pic.twitter.com/2JOnCHVQ5a

  — Ruchira Kamboj (@RuchiraKamboj) March 26, 2021

ఆ వీడియోలో కనిపించిన బాలిక పేరు ఖెన్రాబ్ ఈద్జిన్ సెల్డెన్. ఆ పాప ఒక చైల్డ్ ఆర్టిస్ట్. ఆ వీడియోలో ఖెన్రాబ్ మొదట తనను తాను పరిచయం చేసుకుంటుంది. తరవాత పొరుగున ఉన్న తమ దేశం పట్ల భారత్‌ చూపిన ఉదారతకు కృతజ్ఞతలు తెలియజేస్తుంది. చివరగా షుక్రియా భారత్‌ అంటూ తన అభిమానాన్ని చూపిస్తుంది. ఇప్పుడు నెట్టింట్లో చక్కర్లు కొడుతున్న ఆ వీడియో నెటిజన్లను విపరీతంగా ఆకట్టుకుంటోంది. ఆ మాటలు, ఎక్స్‌ప్రెషన్స్‌..సో క్యూట్ అంటూ వారు తెగ ముచ్చటపడిపోతున్నారు.

ఇదీ చదవండి: ప్రధాని మోదీ, భారత ప్రజలకు కృతజ్ఞతలు: గేల్