హిందువుల దైవం రాముడు భారతీయుడు కాదంటూ నేపాల్ ప్రధానమంత్రి కేపీ శర్మ ఓలి చేసిన వ్యాఖ్యలకు వ్యతిరేకంగా బంగ్లాదేశ్లో ఆందోళనలు జరిగాయి. ఢాకాలోని జతియా ప్రెస్ క్లబ్ వద్ద మానవహారంగా ఏర్పడి నిరసన తెలిపారు హిందూ ధర్మ సురక్షా పరిషత్, బంగ్లాదేశ్ నేషనల్ హిందూ గ్రాండ్ ఎలయన్స్ కార్యకర్తలు.
రాముడు నేపాలీ అని.. అసలైన ఆయోధ్య నేపాల్లో ఉందని ఇటీవలే వ్యాఖ్యానించారు ఓలి. ఈ వ్యాఖ్యల నేపథ్యంలో నేపాల్ ప్రధానిపై సర్వత్రా విమర్శలు వెల్లువెత్తాయి. నేపాల్ ప్రభుత్వం దిద్దుబాటు చర్యలు చేపట్టినప్పటికీ లాభం లేకుండా పోయింది.
ఇదీ చూడండి:- భారత్, నేపాల్ మధ్యలో చైనా- నిలిచేది ఎవరి బంధం?
నేపాల్పై అదృశ్య శక్తుల ప్రభావం పడిందని.. ఇలాంటి వివాదాస్పద వ్యాఖ్యలు చేసే విధంగా ప్రభుత్వంపై ఒత్తిడి తెస్తున్నాయని నిరసనకారులు ఆరోపించారు.
నేపాల్ ప్రధాని వ్యాఖ్యలకు వ్యతిరేకంగా బంగాల్లో నిరసనలు చెలరేగడం ఇది రెండోసారి. ఈ నెల 17న ఢాకా ప్రెస్ క్లబ్ వద్ద మానవహారం ఏర్పాటు చేసి నిరసన వ్యక్తం చేశారు జాగ్రతో హిందూ సమాజ్ కార్యకర్తలు.
గత కొంత కాలంగా భారత్తో కయ్యానికి కాలుదువ్వుతున్నారు నేపాల్ ప్రధాని ఓలి. తనను ప్రధాని పదవి నుంచి తప్పించడానికి భారత్ యత్నిస్తోందని ఆరోపించారు. అయితే ఓలి వ్యాఖ్యలపై సొంత పార్టీ నుంచే తీవ్ర వ్యతిరేకత ఎదురైంది. ఈ నేపథ్యంలో ప్రధాని పదవికి ఓలి రాజీనామా చేయాలని డిమాండ్ చేస్తున్నారు పార్టీ సభ్యులు.
ఇవీ చూడండి:-
