చైనాలో ప్రాణాంతక కరోనా వైరస్తో రోజురోజుకు మృత్యుఘోష పెరుగుతూ పోతోంది. ఈ వైరస్ బారిన పడి తాజాగా మరో 25 మంది ప్రాణాలు కోల్పోయారు. ఫలితంగా డ్రాగన్ దేశంలో కరోనా మృతుల సంఖ్య 132కి చేరింది. ఇప్పటికే 4,515 మంది చికిత్స పొందుతుండగా కొత్తగా మరో 1,500 కేసులను గుర్తించినట్లు చైనా ఆరోగ్య శాఖ ప్రకటించింది. ఈ నేపథ్యంలో డ్రాగన్లో ఈ వైరస్ బారిన పడిన వారి సంఖ్య 6వేలు దాటింది.
ప్రపంచవ్యాప్తంగా పెరుగుతున్న మృతులు
చైనాతో పాటు ప్రపంచ దేశాలను సైతం కరోనా వణికిస్తోంది. థాయ్లాండ్(7), జపాన్(3), దక్షిణకొరియా(3), అమెరికా(3), వియత్నాం(2), సింగపూర్(4), మలేసియా(3), ఆస్ట్రేలియా(4), ఫ్రాన్స్(4), నేపాల్, శ్రీలంకలో ఒకరు కరోనా బారినపడి ప్రాణాలు కోల్పోయారు.
