హైవేపై కి.మీ. మేర మంచు.. రాత్రంతా రోడ్లపైనే వాహనదారులు

Virginia traffic jam: అమెరికాలోని వర్జీనియాలో రహదారులన్నీ మంచుతో పేరుకుపోయాయి. దీంతో భారీ సంఖ్యలో వాహనాలు రోడ్లపై చిక్కుకున్నాయి. వాహనదారులు రాత్రంతా రోడ్లపైనే గడిపారు. సుమారు 80 కిలోమీటర్ల మేర ట్రాఫిక్ నిలిచిపోయింది.

Virginia highway shuts down: అమెరికాలోని వర్జీనియాలో భారీగా కురిసిన మంచు రహదారులను కప్పేయడం వల్ల వాహనదారులు ఇక్కట్లు ఎదుర్కొన్నారు. కరోలైన్ కౌంటీలోని 'ఇంటర్​స్టేట్ 95' రహదారిపై 80 కిలోమీటర్ల మేర వాహనాలు నిలిచిపోయాయి.

సోమవారం రాత్రి మొత్తం వాహనదారులు రోడ్లపైనే ఉండిపోయారు. చిక్కుకుపోయిన వాహనదారులకు అవసరమైన సాయం చేస్తున్నామని రాష్ట్ర గవర్నర్ రాల్ఫ్ నార్తమ్ వెల్లడించారు. అయితే, పరిస్థితి పూర్తిగా ఎప్పుడు చక్కబడుతుందనేది చెప్పలేమని అన్నారు.

రోడ్లపై భారీగా పేరుకుపోయిన మంచు

ఎక్స్​ప్రెస్ వేపై నిలిచిపోయిన వాహనాలు

Virginia highway snow

భారీ ట్రక్కులు, కార్లు అన్నీ రహదారిపైనే ఆగిపోయాయి. నిలిచిపోయిన ట్రక్కులను బయటకు తీసేందుకు సిబ్బంది ప్రయత్నిస్తున్నారు. రోడ్లపై పేరుకుపోయిన మంచును తొలగిస్తున్నారు.

మంచుకు జారిపోయి పక్కకు జరిగిపోయిన ఓ ట్రక్కు

ఎక్కడికక్కడే ఆగిపోయిన వాహనాలు

.

రహదారిపై ఒకే లేన్​లో వెళ్తున్న వాహనాలు

అంతా మంచు మయం...

ఇదీ చదవండి: చైనాలో ప్రజల ఆకలి కేకలు- కఠిన లాక్​డౌన్ వల్లే...