బాంబ్​ తుపానుతో అమెరికా గజగజ

'బాంబ్​ సైక్లోన్'​ అమెరికాపై పెనుప్రభావం చూపుతోంది. ఉష్ణోగ్రతలు రోజురోజుకూ పడిపోతున్నాయి. దక్షిణ డకోటాలో రికార్డు స్థాయిలో 45.7 సెంటీమీటర్ల మేర మంచు పేరుకుపోయింది. సహాయక చర్యల్లో నిమగ్నమయ్యారు అధికారులు.

అమెరికాను బాంబ్​ తుపాను వణికిస్తోంది. వేగంగా వీస్తున్న గాలులు అగ్రరాజ్యాన్ని బెంబేలెత్తిస్తున్నాయి. మంచు సెంటీమీటర్ల మేర పేరుకుపోయింది. రవాణా, విద్యుత్​ వ్యవస్థకు తీవ్ర అంతరాయం కలిగింది. అనేక విమానసర్వీసులు రద్దయ్యాయి.

దక్షిణ డకోటాలో 45 సెంటీమీటర్ల మేర మంచు పేరుకుపోయింది. హిమాన్ని తొలగించడానికి సిబ్బంది శ్రమిస్తున్నారు. మిన్నెసొటా, నెబ్రాస్కా, దక్షిణ డకోటాలో పాఠశాలలకు రెండోరోజూ సెలవులు ప్రకటించారు. ప్రభుత్వ కార్యాలయాలూ కార్యకలాపాలకు నోచుకోలేదు.