అమెరికా​ జాతీయ భద్రతా సలహాదారుకి కరోనా

అగ్రరాజ్యం అమెరికా జాతీయ భద్రతా సలహాదారుడికి కరోనా​ పాజిటివ్​గా నిర్ధరణ అయింది. ఆయన్ను తక్షణమే స్వీయ నిర్బంధంలోకి పంపినట్లు శ్వేతసౌధం తెలిపింది.

అమెరికా జాతీయ భద్రతా సలహాదారుడు​ రాబర్ట్​ ఓబ్రయన్​కు కరోనా సోకింది. ఇప్పటివరకు అగ్రరాజ్యంలో వైరస్​ బారినపడ్డవారిలో ఈయనే అత్యున్నతస్థాయి అధికారి.

ట్రంప్​, జాతీయ భద్రతా సలహాదారు ఓబ్రయన్​ రాబర్ట్​

ఓబ్రయన్​ రాబర్ట్​ సురక్షిత ప్రాంతంలో స్వీయ నిర్బంధంలోకి వెళ్లినట్లు తెలిపిన శ్వేతసౌధం.. ఆయన అక్కడి నుంచే విధులు నిర్వర్తిస్తారని పేర్కొంది. కరోనా స్వల్ప లక్షణాలున్న రాబర్ట్​ను ఇటీవలి కాలంలో ట్రంప్​ కలవలేదని.. ఫలితంగా ఆయన క్షేమంగా ఉన్నారని శ్వేతసౌధం ప్రకటించింది. జాతీయ భద్రతా మండలిని కొనసాగిస్తున్నట్లు చెప్పింది.

ఇదీ చదవండి: 30వేల మందితో అతిపెద్ద వ్యాక్సిన్ ప్రయోగం