అమెరికా ఎన్నికల అనంతరం ప్రముఖ అంటువ్యాధుల నిపుణుడు డా. ఆంటోనీ ఫౌచీని ఉద్యోగం నుంచి తొలగిస్తానని చెప్పారు అధ్యక్షుడు డొనాల్డ్ ట్రంప్. ఫ్లోరిడాలోని ఒపా-లాఖాలో నిర్వహించిన ర్యాలీలో భాగంగా ఫౌచీపై మండిపడ్డారు ట్రంప్. అదే సమయంలో ఆయన మద్దతుదారులు 'ఫైర్ ఫౌచీ' (ఫౌచీని తొలగించాలి) అని నినాదాలు చేశారు.
ట్రంప్ ఆగ్రహానికి కారణం?
కరోనా కట్టడి విషయంలో అధ్యక్షుడు డొనాల్డ్ ట్రంప్ వైఖరిని తప్పుబట్టారు డా. ఫౌచీ. వైరస్ వ్యాప్తి మరింత పెరగొచ్చని ప్రభుత్వాన్ని హెచ్చరించారు. రానున్న రోజుల్లో మరింత ప్రమాదం పొంచి ఉందని వ్యాఖ్యానించారు.
డెమొక్రటిక్ అభ్యర్థి జో బైడెన్.. కరోనా వ్యాప్తి గురించి భిన్నంగా ఆలోచిస్తారని, ఆయనకు ప్రజల ఆరోగ్యం ముఖ్యమని అన్నారు ఫౌచీ. ట్రంప్ మాత్రం ఇందుకు భిన్నంగా యోచిస్తున్నారని పేర్కొన్నారు.
ఇదీ చదవండి:అధ్యక్ష ఎన్నికల వేళ డా. ఫౌచీ కీలక వ్యాఖ్యలు
