కొవిడ్ నియంత్రణకు అమెరికాకు చెందిన మోడెర్నా తాము అభివృద్ధి చేసిన టీకా ప్రయోగాల ఫలితాలను.. పూర్తి డేటాను విశ్లేషించి త్వరలోనే ప్రకటించనున్నట్లు బుధవారం తెలిపింది.
మోడెర్నా 30 వేల మందిపై క్లినికల్ ట్రయల్స్ నిర్వహిస్తోంది. ఇందులో సగం మందికి వ్యాక్సిన్ ఇస్తుండగా.. మిగతా సగం మందికి ప్లాసిబో(ఎలాంటి ప్రభావం చూపని సెలైన్ లాంటి పదార్థం) అందిస్తున్నారు.
ప్రయోగాల్లో పాల్గొన్న వారిలో కనీసం 53 మంది కరోనా బారిన పడితే.. అమెరికా ఆహార, ఔషధ నియంత్రణ సంస్థ (ఎఫ్డీఏ) వ్యాక్సిన్ను పరిగణనలోకి తీసుకుంటుంది.
అయితే మోడెర్నా ట్రయల్స్లో బుధవారం నాటికి 53 మందిలో ఈ ప్రభావం కనిపించింది. జబ్బు పడిన వారు వ్యాక్సిన్ తీసుకున్నవారా? ప్లాసిబో తీసుకున్నవారా? అనే విషయంపై మోడెర్నాకు ఇంకా స్పష్టత లేదు.
ఈ నేపథ్యంలో 'డేటా సేఫ్టీ మానిటరింగ్ బోర్డ్'కు ట్రయల్స్ డేటాను పంపించేందుకు సన్నాహాలు చేస్తోంది మోడెర్నా. ఇందులో ఎక్కువ మంది ప్లాసిబోను తీసుకున్నవారు అని తేలితే వ్యాక్సిన్ ప్రభావవంతంగా పని చేస్తున్నట్లు అర్థం చేసుకోవచ్చు.
ఇదీ చూడండి:కరోనా వైరస్లో కొత్త జన్యువు- గుర్తించిన శాస్త్రవేత్తలు
