అమెరికాలో ఓ అదృష్టజాతకుడు మిషిగన్ లాటరీలో వందకోట్ల డాలర్లు గెలుచుకున్నాడు. మన కరెన్సీలో అయితే ఈ మొత్తం దాదాపు రూ.7,300 కోట్లు!! వినడానికే ఆశ్చర్యంగా ఉంది కదూ!! అమెరికా చరిత్రలో ఇది మూడో అతిపెద్ద లాటరీ.
బహుమతిని దక్కించుకున్న టికెట్ డెట్రాయిట్లోని ఓ దుకాణంలో అమ్ముడుపోయినట్లు మిషిగన్ లాటరీ తెలిపింది. 'ఈరోజు ఉదయం మిషిగన్లో ఆ అదృష్టజాతకుడు నిద్ర లేవగానే తన జీవితాన్ని సంపూర్ణంగా మార్చి వేసే వార్త వింటాడు. కొత్త మల్టీ మిలియనీర్కు శుభాకాంక్షలు.' అని గ్రాసరీ చైన్ ప్రాంతీయ అధికార ప్రతినిధి రాచెల్ హార్ట్స్ వ్యాఖ్యానించారు.
లాటరీ డ్రా తీసేందుకు కేవలం రెండు రోజుల ముందు మేరిలాండ్లో విజేతకు ఈ టికెట్ను అమ్మారు. మొత్తం ఆరు నంబర్లు పోల్చిచూడగా అన్నీ కరెక్టుగా ఉండటంతో అతడు జాక్పాట్ కొట్టాడు.
ఇదీ చూడండి: బోరిస్, లోపెజ్లతో ఫోన్లో మాట్లాడిన బైడెన్
