Gandhi statue vandalised: అమెరికాలో మహాత్మా గాంధీ కాంస్య విగ్రహాన్ని గుర్తు తెలియని వ్యక్తులు ధ్వంసం చేశారు. న్యూయార్క్లో జరిగిన ఈ ఘటనను అక్కడ నివసిస్తున్న భారతీయులతో పాటు భారత కాన్సులేట్ జనరల్ తీవ్రంగా ఖండించారు. ఈ ఘటనకు బాధ్యులైనవారిపై కఠిన చర్యలు తీసుకోవాలని డిమాండ్ చేశారు.
మహాత్మ 117వ జయంతిని పురస్కరించుకుని గాంధీ స్మారక అంతర్జాతీయ ఫౌండేషన్ దీనిని బహుకరించింది. ఈ విగ్రహాన్ని న్యూయార్క్ యూనియన్ స్కేర్లో 1986 అక్టోబరు 2న ఏర్పాటు చేశారు. దీనిని కొన్ని కారణాలతో 2001లో తొలగించి.. 2002లో మళ్లీ పునరుద్ధరించారు.
అమెరికాలో గాంధీ విగ్రహాన్ని ధ్వంసం చేయడం ఇదే తొలిసారి కాదు.. గతంలో ఇటువంటి ఘటనలు వెలుగుచూశాయి.
ఇదీ చూడండి: కుటుంబ సభ్యులపై సాయుధుడు కాల్పులు.. ఆపై ఆత్మహత్య
