అమెరికా ఆర్మీ ప్రధాన సమాచార అధికారి(సీఐఓ)గా భారతీయ అమెరికన్ డాక్టర్ రాజ్ అయ్యర్ నియమితులయ్యారు. 2020లో జులైలో పెంటగాన్ ఈ పదవిని ఏర్పాటు చేసిన తర్వాత ఎంపికైన తొలి వ్యక్తి అయ్యర్ కావడం విశేషం. అగ్రరాజ్య రక్షణ విభాగంలో అత్యున్నత పదవీ బాధ్యతలు చేపట్టినవారిలో అయ్యర్ ఒకరు.
ఎలక్ట్రికల్ ఇంజినీరింగ్లో పీహెచ్డీ చేసిన అయ్యర్.. అమెరికా ఆర్మీ కార్యదర్శికి ప్రధాన సలహాదారుగా, ఇన్ఫర్మేషన్ టెక్నాలజీ/ఇన్ఫర్మేషన్ మేనేజ్మెంట్(ఐటీ) సంబంధించిన విషయాల్లో కార్యదర్శికి అయ్యర్ ప్రాతినిధ్యం వహిస్తారని పెంటగాన్ ఓ ప్రకటనలో పేర్కొంది.
జనరల్ ర్యాంకు హోదా
అయ్యర్ది సైన్యంలో మూడు స్టార్ల జనరల్ హోదాతో సమానమైన పదవి. అమెరికా సైన్యం ఐటీ ఆపరేషన్ల్కు అవసరమైన 16 బిలియన్ డాలర్ల వార్షిక బడ్జెట్ను పర్యవేక్షకులుగా ఉంటారు అయ్యర్. 100 దేశాల్లో 15,000 మంది పౌరులు, మిలటరీ అధికారులు అయ్యర్ అధికార పరిధిలో పని చేస్తారు. రష్యా, చైనా వంటి దేశాల సైన్యాల కంటే అత్యాధునిక సాంకేతికతను ఉపయోగించేలా, శక్తిమంతమైన సైనిక బలగాలను తయారు చేయడానికి అవసరమైన విధానాలు, కార్యక్రమాల అమలుకు మార్గనిర్దేశం చేస్తారు అయ్యర్.
తమిళనాడులోని తిరుచ్చుపల్లి ప్రాంతానికి చెందిన అయ్యర్.. అమెరికాలోనే డెలాయిట్ కన్సల్టింగ్ ఎల్ఎల్పీలో భాగస్వామి. ఆ సంస్థ మేనేజింగ్ డైరెక్టర్గా కూడా వ్యవహరించారు.
ఇదీ చూడండి: జనవరి 20కి ముందే ట్రంప్పై వేటు!
