జాన్సన్ అండ్ జాన్సన్ కరోనా టీకాకు కొత్త హెచ్చరిక జారీ చేసింది అమెరికాల ఆహార, ఔషధ నియంత్రణ సంస్థ(ఎఫ్డీఏ). ఈ టీకాతో అరుదైన నరాల వ్యాధికి సంబంధం ఉండొచ్చని, అయితే అది నిర్ధరణ కాలేదని సోమవారం తెలిపింది.
జాన్సన్ టీకా తీసుకొని, గులెయిన్ బారే వ్యాధి బారిన పడిన 100 మంది రిపోర్టులను సెంటర్స్ ఫర్ డిసీజ్ కంట్రోల్ అండ్ ప్రివెన్షెన్(సీడీసీ)తో పాటు సమీక్షించిన తర్వాత ఎఫ్డీఏ ఈ మేరకు చర్యలు తీసుకుంది. వారిలో అందరూ ఆస్పత్రి పాలు కాగా, ఒకరు మరణించారు.
గులెయిన్ బారే అంటే..
శరీర రోగనిరోధక వ్యవస్థ పొరపాటున సొంత నాడీ కణాలపై దాడి చేసినప్పుడు గులెయిన్ బారే సంభవిస్తుంది. దీంతో కండరాల బలహీనత ఏర్పడుతుంది. కొన్నిసార్లు పక్షవాతం బారినపడొచ్చు. ఏటా 3వేల నుంచి 6 వేల మందికి పలు కారణాలతో ఈ వ్యాధి సోకుందని సీడీసీ అంచనా.
చాలా స్వల్పమే..
