అమెరికా మాజీ అధ్యక్షుడు డొనాల్డ్ ట్రంప్ ఇటీవలే ప్రారంభించిన కమ్యూనికేషన్ ప్లాట్ఫార్మ్ను మూసివేశారు. 'ఫ్రమ్ ది డెస్క్ ఆఫ్ డొనాల్డ్ జే ట్రంప్' పేరుతో ట్రంప్ ఈ సమాచార మాధ్యమాన్ని మే4న ప్రారంభించారు.
నెలరోజులు కూడా గడవకముందే ఈ మాధ్యమాన్ని నిలిపివేస్తుండటంపై ఆయన కార్యదర్శి జేసన్ మిల్లర్ మాట్లాడారు. తిరిగి దీన్ని అందుబాటులోకి తెచ్చే ఆలోచన లేదని పేర్కొన్నారు. ఇంకా ఈ పేజీని వీక్షించాలనుకునే వారు తమ సమాచారం ఇస్తే ఈమెయిల్ లేదా మెసేజ్ ద్వారా అప్డేట్స్ ఇవ్వనున్నట్లు తెలిపారు.
గతంలో ట్రంప్ ఫేస్బుక్, ట్విట్టర్ ఖాతాపై నిషేధం విధించిన నేపథ్యంలో.. తన మద్దతుదారులతో నేరుగా మాట్లాడేందుకు ఈ మాధ్యమాన్ని ప్రారంభించారు. ఈ ప్లాట్ఫార్మ్ సామాజిక మాధ్యమం కాదని ఆయన కార్యదర్శి స్పష్టం చేశారు. ఈ మాధ్యమంలో ట్రంప్ తన అధ్యక్ష పదవికి రాజీనామా చేసినప్పటి నుంచి ఆయన చేసిన ప్రకటనలను పొందుపరిచారు.
