ప్రపంచవ్యాప్తంగా కరోనా వ్యాపించిన నాటి నుంచి 'పాండెమిక్' పదాన్ని ఎక్కువగా వాడినట్లు డిక్షనరీ.కామ్ తెలిపింది. ప్రపంచ ఆరోగ్య సంస్థ(డబ్ల్యూహెచ్ఓ)... కొవిడ్ను మహమ్మారిగా ప్రకటించిన నాటి నుంచి 'పాండెమిక్'ను అత్యధికంగా వాడినట్లు డిక్షనరీ.కామ్ వెల్లడించింది. 2020గానూ 'పాండెమిక్'ను వర్డ్ ఆఫ్ ది ఇయర్గా ప్రకటించింది. డబ్ల్యూహెచ్ఓ... కరోనాను ప్రకటించిన రోజు(మార్చి 11) ఈ పదాన్ని 13,500 శాతం కంటే ఎక్కువగా వెబ్సైట్లో శోధించినట్లు పేర్కొన్నారు సీనియర్ రిసెర్చ్ ఎడిటర్ జాన్ కెల్లీ.
పాండెమిక్ పదం వినియోగం నెల నెలకు సాధారణం కంటే 1,000 శాతం ఎక్కువగా పెరిగింది. దాదాపు సగం సంవత్సరానికి అన్ని శోధనల్లో మొదటి 10శాతంలో ఉంది. మరో నిఘంటువు మెరియం-వెబ్‌స్టర్ కూడా పాండెమిక్ను వర్డ్ ఆఫ్ ది ఇయర్గా ఎంపిక చేసుకుంది.
పాండెమిక్ను ఒక వ్యాధిగా నిర్వచించింది డిక్షనరీ.కామ్. 'మొత్తం దేశం, ఖండం లేదా ప్రపంచం అంతటా వ్యాపించింది; పెద్ద ప్రాంతంలో అంటువ్యాధి' అని పేర్కొంది.
లాటిన్, గ్రీక్ మూలాలు..
పాండెమిక్ అనే పదం 'పాండెమోస్‌' అనే లాటిన్, గ్రీకు పదం నుంచి పుట్టింది. దీని అర్థం 'సాధారణ, ప్రజలు'. దీనిలో 'పాన్' అంటే 'అన్నీ' అని 'డెమోస్' అంటే 'ప్రజలు' అని అర్థం. డచ్లో జన్మించిన వైద్యుడు గిడియాన్ హార్వే వైద్య భాషలో పాండెమిక్ను 1660లో వైద్య కోణంలో ఆంగ్లంలోకి ప్రవేశించినట్లు కెల్లీ చెప్పారు. ప్రజాస్వామ్యం అనే పదానికి 'డెమోస్' కూడా ఆధారం అని ఆయన గుర్తుచేశారు.
ఇదీ చూడండి: ఈ ఏడాది ఎక్కువగా వాడిన పదం.. 'కరోనావైరస్'
