భవనం కూలి 23 మందికి తీవ్ర గాయాలు

బాల్టిమోర్ సిటీలోని ఓ భవనంలో పేలుడు సంభవించి 23 మంది కూలీలు గాయాలపాలయ్యారు. సహాయక చర్యలు చేపట్టి వీరిని స్థానిక ఆసుపత్రిలో చేర్చినట్లు అగ్నిమాపక సిబ్బంది పేర్కొంది. పేలుడుకు కారణం ఇంకా తెలియాల్సి ఉందని వెల్లడించింది.

మేరీలాండ్​ బాల్టిమోర్​ సిటీలోని ఓ భవనంలో పేలుడు సంభవించి 23 మంది కూలీలకు తీవ్రంగా గాయాలయ్యాయి. సహాయక చర్యలు చేపట్టి 21 మంది బాధితులను సమీపంలోని ఆసుపత్రికి తరలించామని అగ్నిమాపక సిబ్బంది అధికారులు పేర్కొన్నారు. 9 మంది ప్రాణాపాయ స్థితిలో ఉన్నారని, మిగతా వారి పరిస్థితీ విషమంగా ఉందని వెల్లడించారు.

భవనంలో ఇరుక్కుపోయిన కూలీలను సహాయక చర్యలు చేపట్టి కిటీకి నుంచి బయటకు తీసుకువచ్చినట్లు అధికారులు పేర్కొన్నారు. పేలుడు సంభవించడానికి కారణమేంటో తెలియాల్సి ఉందన్నారు.

దీనిపై స్పందించిన ఫైర్​ ఫైటర్స్​ లేబర్​ యూనియన్... బాల్టిమోర్​ గ్యాస్ అండ్ ఎలక్ట్రిక్​ కంపెనీ 16వ అంతస్తులో పేలుడు సంభవించినట్లు ఆధారాలు ఉన్నాయన్నారు. దీనిపై అధికారులు దర్యాప్తు చేపట్టాలని కోరారు.

ఇదీ చదవండి:రక్షణ బిల్లుపై ట్రంప్ వీటో అస్త్రం