నకిలీ విశ్వవిద్యాయాలకు అనుమతిచ్చి అమెరికా ప్రభుత్వమే భారతీయ విద్యార్థులను తప్పుదోవ పట్టించిందని భారతీయ అమెరికన్ న్యాయవాది పెషావారియా ఆరోపించారు. తప్పుడుదైన 'యూనివర్సిటీ ఆఫ్ ఫార్మింగ్టన్'ను డిపార్ట్మెంట్ ఆఫ్ హోమ్లాండ్ సెక్యూరిటీనే అనుమతించిందని ఆరోపించారు.
అమెరికాలో ఉండాలన్న ఆశతో భారత విద్యార్థులు అన్నీ తెలిసినా అక్రమంగా వచ్చి నేరానికి పాల్పడ్డారని అమెరికా అధికారులు మంగళవారం ప్రకటించారు. ఈ నేపథ్యంలో భారత విద్యార్థులు నిజంగా తప్పుచేసుంటే శిక్షించండని పెషావారియా స్పందించారు.
" మా విద్యార్థులు తప్పు చేయలేదని మేము చెప్పట్లేదు. విశ్వవిద్యాలయంలో చేరేముందే వారు కొంత జాగ్రత్త వహించాల్సింది. విద్యార్థులకు నిజంగా యూనివర్సిటీ గురించి తెలిసే నేరానికి పాల్పడి ఉంటే శిక్షించండి. ఒకవేళ మోసగాళ్ల వలలో పడి నేరం చేయడానికి ప్రేరేపించబడి ఉంటే మాత్రం వారికి సహాయం చేయాల్సిన అవసరముంది."
- పెషావారియా, న్యాయవాది
అమెరికా ఏమంటోంది.... ఇక్కడ క్లిక్ చేయండి.
