అమెరికా కాలిఫోర్నియా రాష్ట్రంలోని ఓ చర్చి టవర్పై ఉన్న శిలువ అడుగున నిప్పంటించాడు ఓ దుండగుడు. తర్వాత తప్పించుకోవడానికి ప్రయత్నించాడు. పక్క భవనాలు, ఇళ్లపై దూకుతూ, కేబుల్ వైర్లు పట్టుకుని స్పైడర్మ్యాన్లా వేలాడుతూ.. పోలీసులకు చుక్కలు చూపించాడు.
ఏమైందంటే..?
ఒంటిపై కేవలం చెడ్డీ, ఒక సాక్సు ధరించిన దుండగుడు.. లాస్ ఏంజల్స్లోని సెయింట్ మేరీ చెందిన 130 అడుగుల ఎత్తైన రోమన్ కేథలిక్ చర్చి టవర్పైకి ఎక్కి.. శిలువను పడగొట్టడానికి విఫయత్నం చేశాడు. ఆ తర్వాత శిలువ అడుగున నిప్పంటించాడు. అయితే మంటలు అదుపులోనే ఉండటం వల్ల ప్రమాదం తప్పింది.
నిందితుడు.. చర్చిపై నుంచి పక్కనే ఉన్న భవనాలపైకి దూకి.. పోలీసుల నుంచి తప్పించుకునే ప్రయత్నం చేశాడు. కేబుల్ వైర్లను ఉపయోగించుకుని పక్క భవనంపైకి దూకాడు. అప్పటికే భవనాల చుట్టూ.. ఉన్న పోలీసులు నిందితుడిని అదుపులోకి తీసుకున్నారు. అయితే ఎందుకలా చేశాడన్న విషయం తెలియరాలేదు.
ఇదీ చూడండి: 'స్పెల్లింగ్ బీ' విజేతగా జైలా అవంత్
