జైలుపై ముష్కర దాడి- వందలాది ఖైదీలు పరార్!

నైజీరియాలోని ఓ జైలుపై దాడిచేశారు సాయుధ దుండగులు. దీంతో పెద్ద సంఖ్యలో ఖైదీలు పరారయ్యారని అధికారులు వెల్లడించారు. ముష్కరుల వద్ద మెషీన్ గన్​లు, గ్రెనేడ్లు ఉన్నాయని తెలిపారు.

నైజీరియాలో 1500 మంది ఖైదీలున్న ఒక జైలుపై సాయుధ దుండగులు దాడి చేశారు. భారీగా ఆయుధాలు ధరించిన వీరు.. పక్కనే ఉన్న పోలీసు, సైనిక, ప్రభుత్వ భవనాలపైనా విరుచుకుపడ్డారు. ఈ క్రమంలో పెద్ద సంఖ్యలో ఖైదీలు పరారైనట్లు అధికారులు తెలిపారు. ఇమో రాష్ట్రంలోని ఒవెరీ పట్టణంలో ఈ ఘటన జరిగింది.

ముష్కరులు ఒక ప్రణాళిక ప్రకారం ఏకకాలంలో ఈ భవనాలపై దాడి చేశారు. రెండు గంటల పాటు ఇది కొనసాగింది. ఈ దాడిని తాము తిప్పికొట్టినట్లు భద్రతా దళాలు తెలిపాయి. దుండగుల వద్ద మెషీన్ గన్​లు, రాకెట్​ ప్రొపెల్డ్ గ్రెనేడ్లు, మెరుగుపరచిన పేలుడు పదార్థాలు ఉన్నాయని వివరించాయి. 'ఈస్ట్రన్​ సెక్యూరిటీ నెట్​వర్క్'​ అనే తీవ్రవాద ముఠా ఈ దాడికి పాల్పడి ఉండొచ్చని పేర్కొన్నాయి.

ఇదీ చూడండి: మరో రెండు సార్లు అధ్యక్షుడిగా పుతిన్!