Alia Bhatt Citizenship: బాలీవుడ్ రొమాంటిక్ హీరో రణ్‌బీర్‌ కపూర్ను పెళ్లి చేసుకున్న ఆలియా.. పెళ్లి అనుభూతులను అస్వాదిస్తోంది. వివాహం జరిగిన నాటి నుంచి రణ్‌బీర్‌- ఆలియా ఫొటోలు సోషల్ మీడియాలో తెగ వైరల్ అవుతున్నాయి. ఈ సందర్భంగా ఆలియాకు సంబంధించిన ఓ విషయంపై చర్చ జరుగుతోంది. ఆలియాభట్ భారతీయురాలు కాదని కొందరు సోషల్ మీడియాలో చర్చకు తెరదీశారు. అయితే ఇందులో నిజమెంత?
బాలీవుడ్లో ప్రస్తుతం ఆలియా భట్ హవా నడుస్తోంది. భారీ ప్రాజెక్టులతో చాలా బిజీగా ఉంది. ఇప్పటికే విడుదలైన ఆర్ఆర్ఆర్లో సీత పాత్రలో అలరించిన ఆమె.. త్వరలో తన భర్త రణ్బీర్తో కలిసి నటింటిన 'బ్రహ్మాస్త్ర' పార్ట్-1తో ప్రేక్షకుల ముందుకురానుంది. ప్రముఖ దర్శకుడు మహేశ్ భట్ కూతురే ఆలియా. మహేశ్ భట్ భారతీయుడు అయినప్పుడు ఆయన కూతురు అయిన ఆలియా ఈ దేశ పౌరురాలు ఎందుకు కాదు..? అనేది చాలా మంది మదిలో మెదిలే ప్రశ్న. అలాగే ఆలియాకు ముంబయిలోని పోష్‌ ఏరియా జుహూలో సొంత ఇల్లు కూడా ఉంది.
ఆలియా తల్లి సోనీ రజ్దాన్ బ్రిటన్ పౌరురాలు. బ్రిటీష్ నటి అయిన రజ్దాన్ను మహేశ్ భట్ ప్రేమ వివాహం చేసుకున్నారు. దీంతో తల్లి నుంచి ఆమెకు బ్రిటీష్ పౌరసత్వం వచ్చింది. అది అలాగే కొనసాగుతూ.. వచ్చింది. ఆమె బ్రిటన్ పౌరసత్వాన్ని ఎప్పుడూ వదులుకునే ప్రయత్నం చేయలేదు. భారతీయ సిటిజెన్‌షిప్‌ కోసం దరఖాస్తు కూడా చేయలేదు.
ఇదీ చదవండి: 'ఏం చరణ్.. నన్ను డామినేట్ చేస్తావా? నీ బాబును రా నేను'
