టాలీవుడ్లో విడుదలైన పలు అగ్రతారల సినిమాలు త్వరలో ఓటీటీలో సందడి చేయనున్నాయి. సంక్రాంతి కానుకగా రిలీజైన ఈ సినిమాలు వరుసపెట్టి ఓటీటీ బాట పట్టనున్నాయి. జనవరిలో రిలీజైన వారసుడు,వీరసింహా రెడ్డి, వాల్తేరు వీరయ్యలు ఆన్లైన్లో స్ట్రీమ్ కానన్నాయి. ఇంతకీ ఈ సినిమాలు ఓటీటీలో ఎప్పుడు రిలీజవ్వనున్నాయంటే..
'వీర‌సింహారెడ్డి' సినిమాతో సంక్రాంతి బరిలో తన జోరు చూపించారు నట సింహం నందమూరి బాలకృష్ణ. జ‌న‌వ‌రి 12న థియేటర్లలో రిలీజైన ఈ సినిమా బాక్సాఫీస్ వద్ద కలెక్షన్లు కొల్లగొట్టింది. థియేటర్లలో విజయవంతమైన ఈ సినిమా ఇప్పడు ఓటీటీలో సందడి చేయనుంది. కాగా ఈ సినిమా డిజిట‌ల్ రైట్స్‌ను రిలీజ్‌కు ముందే డిస్నీ ప్ల‌స్‌ హాట్‌స్టార్ దాదాపు రూ.15 కోట్ల‌కు సొంతం చేసుకుంది. ఈ మేరకు ఫిబ్రవరి 23 సాయంత్రం ఆరు గంట‌ల నుంచి ఈ సినిమా ఓటీటీలో స్ట్రీమింగ్ కానున్న‌ట్లు ట్విట్టర్ వేదికగా డిస్నీ సంస్థ ప్ర‌క‌టించింది. దీంతో బాలయ్య అభిమానులు సంబరాలు చేసుకుంటున్నారు. ఇక స్ట్రీమింగ్ కోసం వెయిట్ చేస్తున్నారు.
బాలకృష్ణ ద్విపాత్రాభినయం చేసిన ఈ సినిమాకు గోపీచంద్ మ‌లినేని ద‌ర్శ‌క‌త్వం వ‌హించారు. థియేటర్లో అయితే ఇక జనాలు జై బాలయ్య అంటూ కేరింతలు కొట్టారు. కాగా, అన్నా చెల్లెళ్ల ప‌గ, ప్ర‌తీకారాల నేపథ్యంతో రాయలసీమ స్టైల్లో తీసిన ఈ యాక్ష‌న్ ఎంటర్టైనర్ బాక్సాఫీస్ను షేక్ చేసింది. ఈ సినిమాలో బాలకృష్ణ సరసన శృతిహాస‌న్, హ‌నీ రోజ్ నటించారు. బాలకృష్ణ సోద‌రిగా నెగెటివ్ షేడ్స్‌తో కూడిన క్యారెక్ట‌ర్‌లో వ‌ర‌ల‌క్ష్మి శ‌ర‌త్‌కుమార్ నటించారు.
మెగస్టార్ చిరంజీవి నటించిన వాల్తేరు వీరయ్య కూడా త్వరలోనే ఓటీటీలో స్ట్రీమ్ కానుంది. అన్నా తమ్ముళ్ల సెంటిమెంట్ నేపథ్యంగా తెరకెక్కిన ఈ సినిమాలో చిరుకు తమ్ముడిగా మాస్ మహారాజ్ రవితేజ నటించారు. థియేటర్లో రచ్చ రచ్చ చేసిన ఈ సినిమా నెట్ఫ్లిక్స్ వేదికగా ఫిబ్రవరి 27నుంచి ఓటీటీలో సందడి చేయనుంది. ప్రముఖ దర్శకుడు బాబీ తెరకెక్కించిన ఈ మాస్ ఎంటర్టైనర్లో మెగస్టార్ సరసన శ్రుతిహాసన్ నటించారు. కాగా మైత్రీ మూవీ మేకర్స్ బ్యానర్పై నవీన్ యర్నేని, వై రవిశంకర్ సంయుక్తంగా తెరకెక్కించారు. కాగా ఈ సినిమాకు దేవి శ్రీ ప్రసాద్ సంగీతాన్ని సమకూర్చారు.
సంక్రాంతి బరిలో నిలిచిన మరో సినిమా వారసుడు. తమిళ హీరో విజయ్ దళపతి హీరోగా వంశీ పైడిపల్లి తెరకెక్కించిన ఈ సినిమా బాక్సాఫీస్ వద్ద వసూళ్ల వర్షం కురిపించింది. కాగా ఈ సినిమా కూడా ఓటీటీలో వచ్చేందుకు సిద్ధమయ్యింది. ప్రముఖ ఓటీటీ సంస్థ అమెజాన్ ప్రైమ్ వేదికగా ఫిబ్రవరి 22న ఈ మూవీ రిలీజవ్వనుంది. తెలుగులోనే కాకుండా అన్నీ సౌత్ ఇండియన్ లాంగ్వేజస్లో ఈ సినిమా స్ట్రీమ్ కానుంది. మొదట ఈ సినిమాను ఫిబ్రవరి 10న ఓటీటీలో విడుదల చేసేందుకు సన్నాహాలు చేశారట. అయితే అప్పటికే వారసుడు థియేటర్లలో రన్ అవుతున్నందున ఆ డేట్ను పోస్ట్పోన్ చేసి ఫిబ్రవరి 22కు ఫిక్స్ చేశారు.
