Naga Shourya Marriage: తన స్మైల్తో లేడీ ఫ్యాన్స్లో క్రేజ్ సంపాదించుకున్న యంగ్ హీరో నాగశౌర్య. అమ్మ కొడుకుగా అన్ని ఫంక్షన్స్లోనూ కనిపించే ఈ హీరో త్వరలోనే పెళ్లి పీటలెక్కనున్నారు. నవంబరు 20న వివాహ బంధంలోకి అడుగుపెట్టనున్నారు. ఇప్పటికే నాగశౌర్య ఇంట పెళ్లి వేడుకలు మొదలయ్యాయి.
బెంగళూరుకు చెందిన ఇంటీరియర్ డిజైనర్ అనూషను ఈనెల 20న వివాహం చేసుకోబుతున్నారు శౌర్య. గత కొంతకాలం నుంచి అనూషతో శౌర్యకు పరిచయం ఉంది. వారిద్దరి పరిచయం ప్రేమగా మారడంతో పెద్దలు వాళ్ల పెళ్లికి అంగీకరించారు. దీంతో ఈ నెల 19, 20వ తేదీల్లో బెంగళూరులో నాగశౌర్య-అనూషల వివాహాన్ని ఘనంగా నిర్వహించనున్నట్లు నాగశౌర్య కుటుంబం తెలిపింది. 19న మెహందీ వేడుక, 20న ఉదయం 11.25 నిమిషాలకు పెళ్లి మూహుర్తాన్ని నిర్ణయించారు.
శౌర్య పెళ్లి కబురుతో టాలీవుడ్లో సందడి నెలకొంది. యువ కథానాయకులంతా శౌర్యకు శుభాకాంక్షలు చెబుతూ పెళ్లి కోసం ఎదురుచూస్తున్నట్లు సందేశాలు పంపిస్తున్నారు. ఇదిలా ఉండగా.. 'NS24' అనే నయా ప్రాజెక్ట్తో ప్రేక్షకుల ముందుకు రానున్నట్లు శౌర్య ఇటీవలే ప్రకటించారు. ఫ్యామిలీ, యాక్షన్ ఎంటర్‌టైనర్‌గా తెరకెక్కనున్న ఈ చిత్రాన్ని అరుణాచలం దర్శకత్వం వహిస్తున్నారు. వైష్ణవి ఫిలింస్ బ్యానర్‌పై శ్రీనివాస్‌ రావు, విజయ్‌ కుమార్, అరుణ్‌కుమార్‌ సంయుక్తంగా నిర్మిస్తున్నారు. ఈ సినిమాలో నాగశౌర్య గత చిత్రాలకంటే భిన్నంగా కనిపిస్తాడని చిత్రబృందం వెల్లడించింది.
ఇదీ చదవండి:'హోంబలే' ఫిల్మ్స్ అర్థమేంటో తెలుసా?.. ఈ ప్రొడక్షన్ హౌస్ జర్నీ సాగిందిలా
రామ్చరణ్ కొత్త మూవీ అప్డేట్.. ఛాన్స్ కొట్టేసిన 'బింబిసార' డైరెక్టర్!
