ఇటీవలే అందాల చందమామ నటీ జమున భువిని వీడి దివికి వెళ్లారు. సినీ చరిత్రలో ఆమెకు గొప్ప స్థానం ఉంది. కళ్లతోనే నటించే ఆమెకు ప్రేక్షక అభిమానం ఎంతగానో ఉంది. గొప్ప స్టార్స్తో కలిసి నటించిన ఈమె శుక్రవారం మనల్ని వీడి వెళ్లిపోయారు. అయితే చిత్ర పరిశ్రమలో చరిత్ర సృష్టించిన నటీమణులందరి బయోపిక్లు తీయడం ప్రస్తుతం ట్రెండ్గా మారిన సంగతి తెలిసిందే. ఈ క్రమంలోనే జమున కన్నుమూయడంతో ఆమె బయోపిక్ మూవీ గురించి చర్చ మరోసారి తెరపైకి వచ్చింది. ఇందులో మిల్క్ బ్యూటీ తమన్నాను తీసుకోవాలని అనుకుంటున్నారట. అయితే దీనికై ఎలాంటి అధికారిక ప్రకటన రాలేదు. గతంలో కూడా నటి జమున బయోపిక్లో తమన్నా నటించే అవకాశం ఉన్నట్లు టాలీవుడ్లో ప్రచారం జరుగింది. ఈ సినిమా కోసం దర్శకుడు శివనాగు ఇప్పటికే స్క్రిప్ట్ వర్క్ను సిద్ధం చేసినట్లు కూడా వార్తలొచ్చాయి. మరి ఏం జరుగుతుందో చూడాలి.
ఇకపోతే ఇంతవరకు తెరకెక్కించిన నటీమణుల జీవిత చరిత్రలు ఎంతో విజయాన్ని సాధించాయి. అలనాటి నటి మహానటి సావిత్రి బయోపిక్లో కీర్తిసురేశ్ నటించి జాతీయ స్థాయిలో గుర్తింపు తెచ్చుకున్న సంగతి తెలిసిందే. ఆ సినిమా ప్రేక్షకులు ఎంతో దగ్గరవడంతో పాటు సినీ ప్రముఖుల ప్రశంసలను కూడా అందుకుంది.
మహానటి సావిత్రి జీవిత చరిత్రే కాదు రాజకీయంగా, నటన పరంగా అందరినీ ఆకట్టుకుని తనకంటూ ఒక స్టార్డమ్ను సాధించుకున్నారు జయలలిత. ఈమె బయోపిక్ 'తలైవి'లో కంగనా రనౌత్ నటించారు. ఈ సినిమాకు కూడా ప్రేక్షకుల నుంచి మంచి ఆదరణ లభించింది. ఇలా ఎంతో మంది తారల బయోపిక్లో వెండితరపై మెరిసి విజయాల్ని సాధించాయి.
ఇవీ చదవండి:
