RRR Ramcharan Gifts Gold Coins: దర్శకధీరుడు రాజమౌళి దర్శకత్వంలో రామ్చరణ్, ఎన్టీఆర్ ప్రధానపాత్రల్లో తెరకెక్కిన 'ఆర్ఆర్ఆర్'.. బాక్సాఫీసు వద్ద కనక వర్షం కురిపిస్తోంది. తొలిరోజే రూ.223 కోట్లు వసూలు చేసిన ఈ మూవీ.. రూ.వెయ్యి కోట్ల కలెక్షన్ల దిశగా దూసుకుపోతోంది. ఈ సినిమాలో రామ్చరణ్ నటనను విమర్శకులు సైతం ప్రశంసిస్తున్నారు. ఈ క్రమంలోనే తమ మంచి మనసు చాటుకున్నారు చరణ్.
సినిమా కోసం పని చేసిన వివిధ శాఖల హెచ్ఓడీలు, మేనేజర్లు, అకౌంటెంట్లు తదితరులను ఈ ఉదయం తన ఇంటికి పిలిపించారు చరణ్. వారందరికీ అల్పహారం పెట్టించి ఊహించని బహుమతులను అందించారు. తలా ఒక తులం (10 గ్రాముల) బంగారు నాణెం సహా స్వీట్ బాక్స్ కానుకగా ఇచ్చారు. సినిమా కోసం పని చేసినందుకు ధన్యవాదాలు తెలిపారు. 'ఆర్ఆర్ఆర్' ఇంత అద్భుతంగా రావడంలో వారి పాత్ర కూడా కీలకమేనని చరణ్ కొనియాడారు.
ఇదీ చదవండి: సమ్మర్లో సినిమా జాతర.. వచ్చే 4 నెలల్లో రిలీజయ్యే చిత్రాలివే!
