Ranbir Kapoor Ramayan Movie : ఆదిపురుష్ తర్వాత బాలీవుడ్లో తెరకెక్కుతున్న మరో రామాయణంపై అందరి దృష్టి పడింది. దర్శకుడు నితేశ్‌ తివారీ ఎంతో ప్రతిష్టాత్మకంగా తెరకెక్కించనున్న ఈ రామాయాణం గురించి రోజూ ఏదో ఒక విషయం సోషల్ మీడియాలో ట్రెండ్ అవుతోంది. ప్రస్తుతం ఈ చిత్రానికి సంబంధించిన ప్రీ ప్రొడక్షన్‌ పనులు శరవేగంగా జరుగుతున్నాయి. ఇప్పటికే ఈ సినిమాలోని తారాగణంపై ఎన్నో వార్తలు వచ్చిన సంగతి తెలిసిందే. అయితే ఈ సినిమాలో రాముడిగా రణ్బీర్ నటించడం దాదాపుగా ఖాయమైనట్లే తెలుస్తోంది. ఈ హీరో అయితేనే రాముడి పాత్రకు సరైన న్యాయం చేయగలరంటూ ఇప్పటికే పలువురు బాలీవుడ్ అగ్ర నటులు కూడా వారి అభిప్రాయాలను వ్యక్తం చేశారు.
ఈ క్రమంలో రణ్బీర్ కూడా రాముడి పాత్ర కోసం కొన్ని అలవాట్లను మార్చుకున్నట్లు తెలుస్తోంది. షూటింగ్‌ మొదలైనప్పటి నుంచి పూర్తయ్యే వరకు ఆయన మాంసాహారం, మద్యపానం మానేయాలని నిర్ణయించుకున్నారట. అలాగే ఈ సినిమాకు పనిచేయనున్న మూవీ టీమ్ మొత్తం ఇలాంటి కొన్ని నియమాలు పాటించనున్నట్లు వార్తలు వస్తున్నాయి. ఈ మేరకు బాలీవుడ్ మీడియాలో ప్రత్యేక కథనాలు సైతం వెలువడుతున్నాయి. మరోవైపు ఈ సినిమాలో సీత పాత్ర కోసం కోలీవుడ్ హీరోయిన్ సాయి పల్లవిని.. దర్శకుడు నితేశ్‌ తివారీ టీమ్ సంప్రదించారట. ఇక ఈ పాత్రలో నటించేందుకు ఆమె గ్రీన్ సిగ్నల్ ఇచ్చారని తెలుస్తోంది. త్వరలోనే ఆమెకు లుక్ టెస్ట్ కూడా నిర్వహించనున్నారని టాక్ నడుస్తోంది.
Yash In Ramayan Movie : మరోవైపు రావణుడిగా హీరో యశ్ రోల్ విషయంలోనూ అనేక సందేహాలు మొదలయ్యాయి. మొదట్లో ఆయన పేరు కన్ఫామ్ అయినప్పటికీ.. ఆ తర్వాత ఆయన ఈ సినిమా చేస్తారా లేదా అన్న అనుమానాలు వ్యక్తమయ్యాయి. అయితే రావణాసురుడిగా నటించేందుకు తాజాగా ఆయన గ్రీన్ సిగ్నల్ ఇచ్చారట. ఫస్ట్ పార్ట్ కోసం పదిహేను రోజులు కాల్ షీట్స్ ఇచ్చారని.. రెండో భాగంలో ఎక్కువ డేట్స్ ఇచ్చేలా అంగీకారం కుదిరిందని టాక్ నడుస్తోంది. నితీశ్ తెరకెక్కిస్తున్న రామాయణంలో దశకంఠుడి ఎంట్రీని క్లైమాక్స్లో చూపించి.. ఆ తర్వాత తెరకెక్కనున్న సీక్వెల్లో యష్ మీద ఎక్కువ కథ నడిచేలా కథను రాసుకున్నట్టు వినికిడి. దీంతో ఈ విషయం ఓ మేర క్లారిటీ వచ్చింది. కానీ ఈ అప్డేట్లపై మూవీ టీమ్ అఫీషియల్ అనౌన్స్మెంట్ ఇచ్చేవరకు మనం ఏ విషయంపై అంచనా వేయలేమని ఫ్యాన్స్ భావిస్తున్నారు.
యశ్ యూ టర్న్.. రూ.1500కోట్ల ప్రాజెక్ట్ లుక్ టెస్ట్కు రెడీ!
Ramayan 2023 Cast : హిందీ రామాయణంలో సాయి పల్లవి ? సీత క్యారెక్టర్లో మెప్పించనున్నారా?
