Ranbir Kapoor Baby Face Reveal : బాలీవుడ్ స్టార్ కపుల్ రణ్బీర్ కపూర్- ఆలియా భట్ తమ గారాల పట్టి రాహా ఫేస్ రివీల్ చేశారు. క్రిస్మస్ సందర్భంగా వేడుకకు వెళ్తున్న ఈ జంట తమతోపాటు రాహాను తీసుకెళ్లారు. రణ్బీర్ పాపను ఎత్తుకొని బయటకు నడుచుకుంటూ వచ్చారు. ఈ క్రమంలో చిన్నారితోపాటు కెమెరాకు ఫోజులిచ్చారు రణ్బీర్, ఆలియా. పాప ఫేస్ చూసిన నెటిజన్లు చిన్నారి రణ్బీర్ కపూర్ తండ్రి రిషీ కపూర్, నటి కరీనా కపూర్లా ఉందంటూ కామెంట్లు పెడుతున్నారు.
Ranbir Alia Bhatt Wedding : బాలీవుడ్ బ్యూటిఫుల్ కపుల్ రణ్బీర్- ఆలియా గతేడాది ఏప్రిల్ 14న గ్రాండ్గా పెళ్లి చేసుకున్నారు. ముంబయిలో అత్యంత సన్నిహితులు, కొద్దిమంది సెలబ్రెటీల సమక్షంలో ఈ జంట ఒక్కటయ్యారు. కాగా వీరిద్దరూ 2022 నవంబర్ 6న పేరెంట్స్గా ప్రమోషన్ పొందారు. వీరికి రాహా జన్మించింది. అప్పటి నుంచి వీరిద్దరు చిన్నారి పేరు గురించి తప్ప మరే సమాచారాన్ని బయటపెట్టలేదు. పలు సందర్భాల్లో సోషల్ మీడియాలో షేర్ చేసిన ఫొటోల్లో చిన్నారి ఫేస్ కనిపించకుండా జాగ్రత్త పడ్డారు.
అయితే రాహా ఫేస్ చూపాలంటూ నెటిజన్లు గతంలో సోషల్ మీడియాలో కోరగా, ఆలియా స్పందించింది. 'రాహాకు రెండేళ్లు వచ్చేంతవరకు ఆమెకు సంబంధించిన ఎటువంటి ఫొటోలను షేర్ చేయము. మేము ఏదైనా ఈవెంట్లో కనిపిస్తే ఫొటోగ్రాఫర్లు కూడా ఫొటోలు తీసి సోషల్ మీడియాలో పోస్ట్ చేయకండి' అని అప్పట్లో ఆలియా ఓ సందర్భంలో తెలిపింది.
Animal Movie : రణ్బీర్ కపూర్ ప్రస్తుతం యానిమల్ సినిమా సక్సెస్ను ఎంజాయ్ చేస్తున్నారు. సందీప్రెడ్డి వంగ పాన్ఇండియా రేంజ్లో తెరకెక్కించిన ఈ సినిమా బాక్సాఫీస్ వద్ద కాసుల వర్షం కురిపిస్తోంది. సుమారు రూ.200 కోట్ల బడ్జెట్తో రూపొందిన ఈ సినిమా ఇప్పటికి దాదాపు రూ.600+ కోట్లు వసూల్ చేసింది. ఈ సినిమాలో రణ్బీర్కు జంటగా నేషనల్ క్రష్ రష్మిక మందన్నా నటించగా, సీనియర్ నటుడు అనిల్ కపూర్, నటి తృప్తి డిమ్రి తదితరులు కీలక పాత్రలు పోషించారు.
'నా కళ్లెదుట అవి ఉంటే ఆగలేను': ఆలియా భట్
'అది నేను ఊహించలేదు - రణ్బీర్తో నా రిలేషన్షిప్ అలాంటిది'
