Pushpa 2 Latest Update : ఐకాన్ స్టార్ అల్లు అర్జున్ ప్రస్తుతం పుష్ప-2 సినిమా షూటింగ్లో బిజీగా ఉన్నారు. రష్మిక, ఫహాద్, సునీల్ లాంటి కీలక స్టార్స్ నటించిన ఈ సినిమా ప్రస్తుతం శరవేగంగా చిత్రీకరణ జరుగుతోంది. అయితే తొలి పార్ట్ బ్లాక్బస్టర్ అవ్వడం వల్ల రానున్న సీక్వెల్పై అభిమానుల్లో భారీ అంచనాలే పెరుగుతున్నాయి. ఈ క్రమంలో సినిమా గురించి ఏ అప్డేట్ వచ్చినా అది నెట్టింట క్షణాల్లో ట్రెండ్ అవుతోంది.
ఇటీవలే ఇన్స్టాగ్రామ్తో కలిసి 'డే విత్ అల్లు అర్జున్ ' అంటూ ఓ చిన్న ఇంటర్వ్యూ చేసిన అల్లు అర్జున్.. ఆ వీడియోలో తన పర్సనల్ లైఫ్తో పాటు పుష్ప షూటింగ్ను ఫ్యాన్స్కు చూపించారు. సినిమా కోసం ఎంపిక చేసుకున్న లొకేషన్ నుంచి.. ఆయన వేసుకునే దుస్తుల వరకు అన్నీ చూపించిన ఆయన.. ఓ చిన్న సీన్లో యాక్ట్ చేసిన గ్లింప్స్ కూడా ఆ వీడియోలో ఉంది. ఇక ఈ పోస్ట్ పెట్టిన కొద్ది నిమిషాలకే సోషల్ మీడియాలో హల్చల్ చేసింది. ఇలా పుష్పకు సంబంధించిన ఏ విషయమైనా నెట్టింట చర్చనీయాంశంగా మారుతోంది.
Rashmika Pushpa 2 : ఈ క్రమంలో తాజాగా నటి రష్మిక తన ఇన్స్టా స్టోరీలో ఓ ఇంట్రెస్టింగ్ ఫొటోను షేర్ చేశారు. అందులో ఓ భవనానికి సంబంధించిన ఫొటోను షేర్ చేసిన ఆమె.. #Pushpa2 అనే క్యాప్షన్ను జోడించారు. ఆ ఫొటో చూస్తుంటే సినిమాలో పుష్ప- శ్రీ వల్లి నివసించే ఇళ్లులా కనిపిస్తోందంటూ అభిమానులు అభిప్రాయపడుతున్నారు. సిండికేట్ హెడ్గా ఎదిగిన పుష్ప తనకంటూ ఓ ఇంద్ర భవనం లాంటి ఇళ్లు కట్టించుకున్నాడేమో అంటూ నెటిజన్లు కామెంట్లు చేస్తున్నారు.
రిలీజ్ డేట్ ఫిక్స్..?
Pushpa 2 The Rule Release Date : ఇటీవలే ఉత్తమ జాతీయ నటుడిగా నేషనల్ అవార్డ్ దక్కించుకున్నారు హీరో అల్లు అర్జున్. ఇక ఇదే జోష్తో ప్రస్తుతం 'పుష్ప ద రూల్' సీక్వెల్ షూటింగ్లో బిజీగా గడుపుతున్నారు. ఈ నేపథ్యంలో సినిమాకి సంబంధించి ఓ ఇంట్రెస్టింగ్ అప్డేట్ బయటకు వచ్చింది. అదే మూవీ రిలీజ్ డేట్. కాగా, ఈ సినిమాను వచ్చే ఏడాది సమ్మర్ గిఫ్ట్గా ప్రేక్షకుల ముందుకు తీసుకురాన్నట్లు మూవీ మేకర్స్ సన్నాహాలు చేస్తున్నట్లు ఇండస్ట్రీలో టాక్ నడుస్తోంది. అంతా అనుకున్నట్లు జరిగితే 2024 మార్చి 22, లేదా 29 తేదీల్లో ఏదో ఒక డేట్ను దర్శక నిర్మాతలు ఫిక్స్ చేయనున్నట్లు సమాచారం. ఇక సుకుమార్ దర్శకత్వంలో తెరకెక్కుతున్న ఈ ప్యాన్ ఇండియా మూవీ షూటింగ్ 70 శాతానికి పైగా పూర్తియింది. త్వరలోనే పోస్ట్ ప్రొడక్షన్ పనులను కూడా ప్రారంభించనుంది మూవీ టీమ్.
