Prabhas Project K Shooting: పాన్ ఇండియా స్టార్ ప్రభాస్ ప్రస్తుతం వరుస చిత్రాలతో బిజీగా ఉన్నారు. డార్లింగ్ నటిస్తున్న 'ఆదిపురుష్' ఆ మధ్య టాకీ పార్ట్ కంప్లీట్ చేసుకోగా.. 'సలార్' చిత్రం షూటింగ్ చివరి దశకు చేరుకుంది. ఇదిలా ఉంటే.. ప్రభాస్ మరో ఆసక్తికరమైన చిత్రం 'ప్రాజెక్ట్ కె' ఇప్పటికే కొన్ని కీలక సన్నివేశాల చిత్రీకరణ పూర్తి చేసుకుంది. తాజాగా ఈ సినిమా షూటింగ్ మళ్లీ మొదలైంది. వైజయంతీ మూవీస్ బ్యానర్పై నాగ్ అశ్విన్ దర్శకత్వంలో తెరకెక్కుతోన్న ఈ సినిమాలో బాలీవుడ్ బిగ్బీ అమితాబ్ బచ్చన్ కీలక పాత్ర చేస్తుండగా.. క్రేజీ బ్యూటీ దీపికా పదుకొణే కథానాయికగా నటిస్తున్నారు. ప్రస్తుతం ఈ సినిమా షూటింగ్ హైదరాబాద్లో జరుగుతోంది. తాజాగా ప్రభాస్ కూడా షూటింగ్లో పాల్గొన్నారు.
ప్రభాస్, ఓ బాలీవుడ్ యాక్టర్‌పై కీలక సన్నివేశాల్ని చిత్రీకరిస్తున్నారని తెలుస్తోంది. ఈ సినిమా కోసం ప్రముఖ ఆర్ట్ డైరెక్టర్ తోట తరణి వేసిన మూడు ప్రధాన సెట్స్లో టాకీ పార్ట్ షూట్ జరుగుతోంది. ఈ నెల 10 వరకు ఈ షెడ్యూల్ను ప్లాన్ చేశారు మేకర్స్. టైమ్ మెషిన్ కథాంశంతో సోషియో ఫాంటసీ చిత్రంగా రూపొందుతోన్న ఈ సినిమాకు మిక్కీ.జె.మేయర్ సంగీతం అందిస్తున్నారు. మరి ఈ సినిమాతో ప్రభాస్ ఏ స్థాయిలో అభిమానులను ఆకట్టుకుంటారో చూడాలి.
ఇక, ఈ సినిమా కోసం ప్రముఖ వ్యాపారవేత్త ఆనంద్‌ మహీంద్రాను దర్శకుడు నాగ్ అశ్విన్ సాయం కోరారు. సైన్స్‌ ఫిక్షన్‌ థ్రిల్లర్‌గా రూపుదిద్దుకుంటున్న ఈ చిత్రానికి సాంకేతిక సాయం కావాలని అడిగారు. అందుకు స్పందించిన మహీంద్రా.. ఇంత సదావకాశాన్ని తామెందుకు వదులుకుంటామని బదులిచ్చారు. అవసరమైన సాయం అందిస్తామని కూడా తెలిపారు.
ఇదీ చదవండి: 'సర్కారు వారి 'ట్రైలర్'' వచ్చేసింది.. మహేశ్కు మరో మాస్ హిట్!!
