Bro movie tickets price : పవర్ స్టార్ పవన్ కల్యాణ్, సాయి తేజ్ కలిసి నటించిన మల్టీస్టారర్ 'బ్రో' సినిమా రిలీజ్ డేట్ దగ్గరపడుతుంది. దీంతో అభిమానుల్లో ఫుల్ జోష్ నెలకొంది. మెగా మామా అల్లుడు కలిసి మొదటి సారి నటించడంతో అభిమానుల్లో మరింత ఆసక్తి నెలకొంది. సినిమా జులై 28న గ్రాండ్గా థియేటర్లలో రిలీజ్ కానుంది. దీంతో చిత్రబృందం క్రమక్రమంగా ప్రమోషన్స్లో కాస్త జోరు పెంచుతోంది.
ఇందులో భాగంగానే 'బ్రో' మూవీ ప్రొడ్యూసర్ టీజీ విశ్వప్రసాద్ ఓ శుభవార్త తెలిపారు. టికెట్ల రేట్స్ పెంచడం లేదని పేర్కొన్నారు. సినిమాను పరిమిత బడ్జెట్లోనే రూపొందించినట్లు తెలిపిన ఆయన.. అందుకే ఈ చిత్ర టికెట్ ధరలను పెంచట్లేదని క్లారిటీ ఇచ్చారు. అలాగే ఈ సినిమాకు ఎలాంటి అదనపు షోలు కూడా వేయట్లేదని చెప్పుకొచ్చారు.
Bro movie trailer : ఇకపోతే 'బ్రో' సినిమా ట్రైలర్.. జులై 21న విడుదల చేయనున్నారు మేకర్స్. 25న గ్రాండ్గా ప్రీ రిలీజ్ ఈవెంట్ను నిర్వహించబోతున్నారని ప్రస్తుతం వార్తలు వస్తున్నాయి. ఈ చిత్రంలో సాయితేజ్ సరసన కేతికా శర్మ, ప్రియా ప్రకాశ్ వారియర్ హీరోయిన్స్గా నటించారు. తమన్ స్వరాలు సమకూర్చారు. తమిళంలో ప్రేక్షకుల మదిని దోచిన 'వినోదయ సీతం' సినిమాకు రీమేక్గా ఈ చిత్రం తెరకెక్కింది. మాతృకలో దర్శకత్వం వహించిన సముద్రఖనినే.. రీమేక్కు కూడా దర్శకత్వం వహించారు. మాటల మాంత్రికుడు త్రివిక్రమ్.. ఒరిజినల్ స్టోరీలో మార్పులు చేసి తెలుగు నెటివిటీకి తగ్గట్టుగా స్క్రీన్ ప్లే, మాటలు అందించారు.
ఇక ఈ సినిమా కథేంటంటే.. అనుకోకుండా ఓ రోడ్డు ప్రమాదంలో తుదిశ్వా విడిచిన ఓ వ్య‌క్తికి దేవుడు కనిపించి.. రెండో అవకాశం ఇస్తే ఎలా ఉంటుంది అనే క‌థాంశంతో సినిమాను తీర్చిదిద్దారు. ఇందులో పవన్.. టైమ్ అనే మోడ్రన్ గాడ్ రోల్లో కనిపించారు. సాయితేజ్.. మార్కాండేయులు అలియాస్ మార్క్ అనే పాత్రలో నటించారు. ఇప్పటికే రిలీజైన టీజర్, రెండు పాటలు అభిమానులను ఆకట్టుకున్నాయి. కానీ భారీ స్థాయిలో ట్రెండ్ అవ్వలేదు. చూడాలి మరి ఈ చిత్రం ఎలాంటి ఫలితాన్ని అందుకుంటుందో..
ఇదీ చూడండి :
పవన్తో గడిపిన ఆ ఐదు నిమిషాలు.. అబ్బో ఆ అనుభూతి వేరే లెవెల్! : కేతిక శర్మ
