Nikhil Swayambhu Movie : యంగ్ హీరో నిఖిల్ సిద్ధార్థ లీడ్ రోల్లో రీసెంట్గా వచ్చిన 'స్పై' సినిమా భారీ అంచనాలతో విడుదలై ప్రేక్షకులను నిరాశపరిచింది. నేతాజీ సుభాష్ చంద్రబోస్ డెత్ మిస్టరీ నేపథ్యంలో తెరకెక్కిన ఈ సినిమా బాక్సాఫీస్ వద్ద ఆశించిన స్థాయిలో కలెక్షన్లు సాధించలేకపోయింది. ఇక దీని ఎఫెక్ట్ మూవీ టీమ్ కంటే హీరో నిఖిల్పైనే కాస్త గట్టిగా పడింది. పాన్ ఇండియా రేంజ్లో ఇప్పుడిప్పుడే తనకంటూ ఓ మంచి మార్కెట్ను క్రియేట్ చేసుకుంటున్న సమయంలో ఇలాంటి టాక్ రావడం వల్ల ఆయన కాస్త డీలా పడ్డారు. దీంతో ఈ సారి ఎలాగైనా గట్టి కమ్బ్యాక్ ఇవ్వాలన్న పట్టుదలతో ఉన్నారు. దీని కోసం తన తర్వాతి సినిమాల విషయంలో మరిన్ని జాగ్రత్తలు తీసుకుంటున్నారు. అందుకు తగ్గట్టుగా చురుగ్గా ఉండేందుకు ప్లాన్ కూడా చేసుకుంటున్నారు.
- " class="align-text-top noRightClick twitterSection" data="">
Nikhil Upcoming Movies : ప్రస్తుతం నిఖిల్ చేతిలో 'ది ఇండియా హౌస్', 'స్వయంభు', 'కార్తికేయ 3' లాంటి భారీ బడ్జెట్ సినిమాలు ఉన్నాయి. 'స్పై' సినిమా నిరాశ పరిచినందుకు ఆయన సోషల్ మీడియా వేదికగా అభిమానులకు క్షమాపణలు చెబుతూ ఓ నోట్ కూడా రిలీజ్ చేసిన సంగతి తెలిసిందే. ఈ క్రమంలో ఇకపై తాను ఇకపై నటించనున్న సినిమాలు మరింత హై స్టాండర్డ్స్ క్వాలిటీతో ఉండేలా చూసుకుంటానని నిఖిల్ అన్నారు. ఈ విషయంలో అస్సలు రాజీపడనని కూడా చెప్పారు. ఇక చెప్పినట్టుగానే ఆయన అప్కమింగ్ మూవీ 'స్వయంభు' విషయంలో దర్శక నిర్మాతలకు ఓ కండీషన్ పెట్టారట.
పీరియాడిక్ నేపథ్యంలో రూపొందుతున్న ఈ చిత్రానికి భరత్ కృష్ణమాచారి దర్శకత్వం వహిస్తున్నారు. పిక్సెల్ స్టూడియోస్ పై భువన్, శ్రీకర్ ఈ సినిమాను సంయుక్తంగా నిర్మిస్తున్నారు. పాన్ ఇండియా స్థాయిలో ప్రేక్షకుల ముందుకు రానున్న ఈ సినిమాలో నిఖిల్ ఓ యోధుడిగా కనిపించనున్నారు. దీంతో ఈ సినిమాపై అభిమానుల్లో భారీ అంచనాలు ఏర్పడ్డాయి. అందుకే ఈ మూవీ కోసం నిఖిల్ ఏ విషయంలో రాజీ పడకుండా ఎక్కువ జాగ్రత్తలు తీసుకుంటున్నారట. మొదటి నుంచి ప్రతీది దగ్గరుండి చూసుకుంటున్నారని సమాచారం. ఫైనల్ అవుట్పుట్ విషయంలో తాను సంతృప్తి చెందితే కానీ సినిమా రిలీజ్ చేయకూడదన్న విషయాన్ని దర్శకనిర్మాతలతో తేల్చి చెప్పారని టాక్.
- " class="align-text-top noRightClick twitterSection" data="">
Nikhi Movies : మరోవైపు నిఖిల్.. గత కొంతకాలంగా తన రేంజ్ను పెంచే సినిమాలనే ఎంచుకుంటూ కెరీర్లో ముందుకు సాగుతున్నారు. విభిన్న కథలను ఎంచుకుంటూ వాటితో మంచి టాక్ను అందుకుంటున్నారు. ఈ క్రమంలోనే ఆయన 'కార్తికేయ 2'తో దేశవ్యాప్తంగా భారీ హిట్ అందుకున్నారు. రూ.100 కోట్ల మేర బాక్సాఫీస్ వసూళ్లను సాధించారు. ఈ సినిమాతోనే నార్త్ ఆడియెన్స్ ఫోకస్ నిఖిల్పై పడింది. అలానే అక్కడి మార్కెట్ కూడా క్రమ క్రమంగా పెరిగింది. దర్శక నిర్మాతలు కూడా ఆయనతో భారీ బడ్జెట్ చిత్రాలు చేసేందుకు రెడీ అవుతున్నారు.
