వరుసగా యాక్షన్ సినిమాలు చేస్తూ యువ హీరోలకు సవాళ్‌ విసురుతున్నారు నందమూరి బాలకృష్ణ. గతేడాది విడుదలైన 'అఖండ'లో బాలయ్య నటనకు ప్రేక్షకులు ఫిదా అయ్యారు. ముఖ్యంగా అఘోర పాత్రలో బాలకృష్ణ నటన అద్భుతం. అదే ఊపులో వీరసింహా రెడ్డి చిత్రంలో నటించారు. ఈ ఏడాది సంక్రాంతికి విడుదలైన ఆ సినిమా.. విజయం సాధించింది. ఇప్పుడే అదే జోష్లో బాలయ్య.. తన 108వ సినిమా చేస్తున్నారు. అనిల్ రావిపూడి దర్శకత్వంలో NBK 108 వర్కింగ్ టైటిల్తో ఈ సినిమాతో తెరకెక్కుతోంది.
తెలుగు నూతన సంవత్సరాది ఉగాది పండుగను పురస్కరించుకుని NBK 108 చిత్రబృందం.. హీరో నందమూరి బాలకృష్ణ ఫస్ట్ లుక్ను విడుదల చేసింది. 'ఈ సారి మీ ఊహకు మించి' అంటూ నటహింహం పోస్టర్లను రిలీజ్ చేసింది. బాలయ్య మాస్ లుక్లో అదిరిపోయారని ఫ్యాన్స్ అంటున్నారు. సూపర్ అప్డేట్తో అభిమానులు పండుగ చేసుకుంటున్నారు. ప్రస్తుతం బాలయ్య ఫస్ట్ లుక్ వైరల్గా మారింది. నటసింహం లుక్ చూసిన అభిమానులు.. ఈ సినిమా కూడా సూపర్ హిట్ పక్కా అని అంటున్నారు.
ఇటీవలే ఈ సినిమాలో హీరోయిన్గా కాజల్ అగర్వాల్ నటిస్తున్నట్లు చిత్రబృందం తెలిపింది. ఈ విషయాన్ని తెలియజేసేలా మూవీ యూనిట్ ఓ పోస్టర్ను కూడా విడుదల చేసింది. కెరీర్లో తొలిసారి బాలయ్య.. కాజల్తో జతకడుతున్నారు. దీంతో వీరిద్దరి కాంబోపై హైప్ పెరిగింది. ఇక ఈ సినిమాలో నటి శ్రీలీల కీలక పాత్ర పోషిస్తున్నారు. బాలయ్య కుమార్తెగా నటిస్తున్నట్లు సమాచారం. ప్రస్తుతం బాలయ్య, కాజల్, శ్రీలీల మీద కీలక సన్నివేశాలు చిత్రీకరిస్తున్నట్లు తెలుస్తోంది. షైన్‌ స్క్రీన్‌ బ్యానర్పై సాహు గారపాటి, హరీశ్ పెద్ది సంయుక్తంగా నిర్మిస్తున్నారు. ఎస్ఎస్ తమన్ సంగీత స్వరాలు సమకూరుస్తున్నారు. ఎన్బీకే108 సినిమా శరవేగంగా చిత్రీకరణ జరుపుకుంటోంది.
మరోవైపు, ఈ సినిమాలో బాలయ్య ఓల్డ్ సూపర్ హిట్ సాంగ్ను రీమిక్స్ చేసేందుకు సిద్ధమవుతున్నట్లు సమాచారం. బాలకృష్ణ కెరీర్లో సూపర్ హిట్ అందుకున్న సమరసింహారెడ్డిలోని 'అందాల ఆడబోమ్మ' సాంగ్ను మళ్లీ రీమిక్స్ చేయబోతున్నారట. దీనికి తమన్ సంగీతం అందించనున్నారట. ఒకవేళ ఇదే కనుక జరిగితే.. తమన్ మ్యూజిక్లో ఆ సాంగ్ రీమిక్స్ అదిరిపోతుందని ఫ్యాన్స్ ఆశిస్తున్నారు. ఈ చిత్రం తెలంగాణ బ్యాక్ డ్రాప్లో సాగుతుందని ప్రచారం జరుగుతోంది. బాలయ్యను అనిల్ సరికొత్త లుక్లో చూపించబోతున్నారని వినికిడి.
