NBK 108 : నటసింహం నందమూరి బాలకృష్ణ, క్రేజీ డైరెక్టర్ అనిల్ రావిపూడి దర్శకత్వంలో తెరకెక్కుతున్న సినిమా 'ఎన్బీకే 108'. ఈ సినిమాకు సంబంధించి ఓ అప్డేట్ వచ్చింది. ఈ మేరకు ఓ వార్త సోషల్ మీడియాలో చక్కర్లు కొడుతోంది. అదేంటంటే.. ఈ సినిమాలో బాలయ్య ఆర్టీసీ డ్రైవర్గా నటించనున్నారని అంతకుముందు జోరుగా ప్రచారం సాగింది. దీనిపై స్పందించిన చిత్ర యూనిట్ ఆ ప్రచారాన్ని కొట్టిపారేసింది. ఆ వార్తల్లో ఎలాంటి నిజం లేదని స్పష్టం చేసింది. అయితే, ఈ సినిమాలో బాలకృష్ణ ఓ పవర్ఫుల్ ఖైదీ పాత్రలో కనిపించబోతున్నారని సమాచారం.
తెలంగాణ యాసలో!
తెలంగాణ నేపథ్యంలో రానున్న ఈ చిత్రం.. భారీ యాక్షన్ ఎంటర్టైనర్గా రూపొందుతోంది. అంతేగాక సినిమాలో బాలయ్య డైలాగ్స్ పూర్తిగా తెలంగాణ యాసలోనే ఉండనున్నాయట. ప్రస్తుతం ఈ సినిమా శరవేగంగా చిత్రీకరణ జరుపుకుంటోంది. దసరా నాటికి ప్రేక్షకుల ముందుకు తెచ్చేందుకు ప్లాన్ చేస్తున్నారట దర్శకనిర్మాతలు.
స్టోరీ లైన్ ఇదే!
హీరో ముప్పై ఏళ్ల వయసులో ఉన్నప్పుడు ఆవేశంలో స్థానికులతో తీవ్రమైన గొడవలకు దిగుతాడు. దీంతో అతడికి 14 ఏళ్ల జైలు శిక్ష పడుతుంది. అలా అతడి జీవితంలో జరిగే పరిణామాల ఆధారంగా ఈ సినిమాను రూపొందిస్తున్నారట. అఖండ, వీరసింహారెడ్డి చిత్రాలతో బ్యాక్ టు బ్యాక్ సక్సెస్లను అందుకుని ఫుల్ జోష్ మీదున్న బాలకృష్ణ.. సక్సెల్ఫుల్ డైరెక్టర్ అనిల్ రావిపూడితో కలిసి చేస్తున్న ఈ ప్రాజెక్ట్పై భారీ అంచనాలు పెట్టుకున్నారు ఫ్యాన్స్. ఈ సినిమాతో హ్యాట్రిక్ హిట్ కొట్టాలని బాలయ్యతో పాటు ఆయన అభిమానులు కూడా ఆశిస్తున్నారు. ఈ చిత్రంలో యంగ్ హీరోయిన్ శ్రీలీల నటిస్తోంది. అలాగే సీనియర్ యాక్టర్ శరత్ కుమార్ బాలయ్య సోదరుడిగా కనిపించనున్నారు. ఈ చిత్రాన్ని షైన్ స్క్రీన్స్ పతాకంపై హరీష్ పెద్ది, సాహు గారపాటి సంయుక్తంగా నిర్మిస్తున్నారు.
విలన్గా బాలీవుడ్ స్టార్..
ఈ సినిమాలో విలన్ రోల్లో బాలీవుడ్ యాక్టర్ అర్జున్ రాంపాల్ నటిస్తున్నట్లు సినిమా యూనిట్ ఇంతకుముందే ప్రకటించింది. దీనికి సంబంధించి ఓ ప్రత్యేక వీడియోను కూడా సోషల్ మీడియాలో పోస్ట్ చేసింది. 'జాతీయ పురస్కార గ్రహీత, టాలెంటెడ్ ఆర్టిస్ట్ అర్జున్ రాంపాల్కు వెల్కమ్! తెలుగులో విలన్గా అరంగేట్రం చేయనున్నారు' అంటూ చిత్ర నిర్మాణ సంస్థ షైన్ స్క్రీన్స్ పేర్కొంది. అయితే ఈ సినిమా ఓటీటీ రైట్స్ భారీ రేటుకు అమ్ముడుపోయాయని సమాచారం. ప్రముఖ ఓటీటీ వేదిక అమెజాన్ ప్రైమ్ వీడియో రూ.36 కోట్లకు కొనుగోలు చేసిందట.
